ந.க. துறைவன் பித்தப் பூக்கள்...!!.

by **ந.க.துறைவன்** Mon 24 Nov 2014 - 6:38

First topic message reminder :

பசலை நோய்…!!
*
உன்னை மனநோயாளி என்று
முத்திரைக் குத்தி
மனசாட்சியில்லாமல்
உறவுகள் இம்சை செய்வதைப்
பார்க்க மனம்
வேதனைப்படுகின்றது.
உன் காதலைப் பிரிக்க
எதையோ சொல்லி
நம்ப வைக்க
முயற்சிப்பவர்களின்
கட்டுக்கதை தானே இது.
உன்னை எப்படி
நம்ப வைப்பதென்று
காதலன் துடிக்கிறான்.
உன்னைச் சேர்த்து விடாமல்
தடுக்க ஊர் துடிக்கிறது.
யார் அறிகிறார்களோ? இல்லையோ?
உன் காதலன் மட்டுமே அறிவான்.
உன் பசலை நோய்க்கு மருந்து.

*

by **ந.க.துறைவன்** Sun 21 Jun 2015 - 6:59

ஆவாரம்பூவே….!!
*
அத்தை மகளே அத்தை மகளே
அழகான ஆவாரம்பூவே
ஆசை அரும்பி எனக்கு
அனலாகக் கொதிக்குதடி
மாமன் எனைக் கொஞ்சம்
தலை நிமிர்ந்து பாரடியோ?
காமம் எனை எழும்பிவிட்டான்
கண்குளிரப் பாரடியோ?
காதல் கல்யாணத்திற்கு
சம்மதம் தருவாயோ?
*

by **ந.க.துறைவன்** Tue 30 Jun 2015 - 7:03

தங்கமே…‘‘
*
வாழ்க்கை முரண்களுக்கு எதிராகப்
பிறந்தக் குழந்தைக்குப் பெயர் வைத்து
அழகு பார்ப்பதில் தான்
எத்தனைச் சந்தோஷம்?
வறுமையில் வாடினாலும்
வஞ்சனையில்லாமல்
எத்தனையோ
ஆசைக் கனவுகளோடு
உனக்கு தங்கம் என்று
பெயர் வைத்திருக்கிறார்கள்
உன் பெற்றோர்கள்.
அழகு படுத்தி ஜொலிப்பதற்கு
உன் மேனியில் துளித்
தங்கமி்ல்லை.
உன் அங்கத்தினை
அலங்கரிக்கத் தங்கம்
இல்லாவிட்டால் என்ன?
என்னையே நீ
அங்கமாக்கிடும்போது
தங்கமே
நீதானே என் அசல்
சொக்கத் தங்கம்….!!
*

by **நண்பன்** Tue 30 Jun 2015 - 8:03

ந.க.துறைவன் wrote:மனம் போல வாழணும்…!!
*
மாமன் வாரான் பாருங்க
மாமன் வாரான் பாருங்க
மடக்கி விரட்டிப் பிடியுங்க
மஞ்சநீரை ஊத்துங்க
வெள்ளை சட்டை பூராவும்
மஞ்சக் கரையாக்குங்க
அக்கா கேட்டா சொல்லுங்க
அடிக்க வந்தா ஓடுங்க.
மச்சினிச்சி மஞ்ச தண்ணி
மனசு நிறைஞ்சி போகணும்
மாமன் எனை நினைச்சி நாளும்
மகிழ்ச்சி பொங்க சிரிக்கணும்.
மாப்பிள்ளைப் பாத்து வைச்சி
மச்சினிக் கல்யாணத்தை
மனம் போலமுடிக்கணும்
சீருசெனத்தி குறையில்லாம
நாளு பேரு பார்க்கணும்
மணமேடையில் வாயாற
மாமன் வாழ்த்த வாழணும்.
*

இது அருமையாக உள்ளது மகிழ்ச்சி

by **நண்பன்** Tue 30 Jun 2015 - 8:04

ந.க.துறைவன் wrote:வாட்ஸ்அப் காதல் தூது…!!
*
செல்பி எடுத்து எடுத்து
வாட்ஸ்அப்பில் சளைக்காமல்
உன் உருவப் படத்தை
அனுப்பி வைக்கிறாய்.
உன் அழகான புன்னகையில்
மலர்ந்த முகம் நெற்றி பொட்டு
காதில் தொங்கும் கம்மல்
சுருட்டை முடி கூந்தல்
மல்லிகைப் பூவின் வெண்மை
பிடித்தமான நிறப் புடவையில்
உன்னைப் பார்த்து பார்த்து
ரசிக்கிறேன்…ருசிக்கிறேன்
என்னுடைய பதில் பதிவை
அவ்வப்போது உனக்கு
அனுப்பி விடுகிறேன்
அதைப் படித்து வெட்கத்தில்
நீ பதித்தப் பதில்கள்
எனக்கு தெம்பூட்டுகின்றன
உற்காசத்தில் நானும்
என்னை செல்பி எடுத்து
அனுப்பியதைப் பார்.
அழகாகயிருக்கிறேனா? சொல்.
செந்தாமரைப் பூவாய்
மலர்ந்து செழிக்கட்டும்
நம் காதல்.
தினம் தினம் தவறாமல்
பரிமாறிக் கொள்வோம்
செல்பி வாட்ஸ்அப் தூது

*

அருமையான வர்ணனை வர்ணிப்பு மகிழ்ச்சி

by **ந.க.துறைவன்** Tue 30 Jun 2015 - 13:29

நன்றி நண்பன்...

by **ந.க.துறைவன்** Fri 3 Jul 2015 - 12:34

காத்திரு…!!
*
மாலை நேரம் நெருங்குது
மனசு அலை பாயுது
எங்கே இருக்கேன்னு
கண்கள் தேடி அலையுது.
*
வெளுத்த மேகம் கருக்குது
மழை வரும்போல தெரியுது
எங்கே இருக்கேன்னு
ஏக்கமாக இருக்குது
*
அனல் தனிஞ்சி வருது
ஆடி காத்து வீசுது
எங்கே இருக்கேன்னு
எம்மனசு துடிக்குது.
*
தூறல் மெல்ல போடுது
மழை வேகமாக கொட்டுது
எங்கே இருக்கேன்னு
என் நெஞ்சும் பதறுது.
*
கஷ்டப்பட்டு வராதே
காத்து மழையில் நனையாதே
ஒதுங்கி எங்கும் நிக்காதே
உபத்திரத்தைத் தேடாதே.
*
எங்கே இருக்கேன்னு
செல்போனில் சொல்லிடு
ஸ்கூட்டரிலே வருகிறேன்
கொஞ்ச நேரம் காத்திரு.

*

by **சே.குமார்** Sat 4 Jul 2015 - 8:48

காத்திரு உங்கள் எழுத்தில் அழகாய் பூத்திருக்கு ஐயா...

by **ந.க.துறைவன்** Wed 15 Jul 2015 - 7:01

சொத்து…!!
*
பத்தாம் வகுப்பு படிக்கையில்
பக்கத்துப் பக்கத்தில்
உட்கார்ந்துப் படிச்சிப் பேசி
உரக்கச் சிரிச்சிக்கிட்டோம்.
இப்போ சிரிப்பதற்கு
என் பக்கத்திலே யாருமில்லே.
உன்னருகில் யாரிருக்கா?
உன் சிரிப்பலை
கால் நூற்றாண்டாக
நினைவில் பதிவாகி….
உன் சிரிப்பில் உதிர்ந்த முத்து
ஆயுள் முழுக்க மறக்க முடியாத
அழியாதச் சொத்து…!!
*

by **ந.க.துறைவன்** Tue 21 Jul 2015 - 6:58

நீலமலர்…!!
*
தாவணிப் பறந்தாட
துள்ளித் துள்ளிப் போறா…
தட்டாம்பூச்சிங்க அவ கூட
சிறகடித்துப் பறக்குது.
*
இலந்தம் பூவைப் போலவே
இளமை ரொம்ப அழகு
மயில்வண்ணத் தோகைப்போல
கட்டிய தாவணி யழகு.
*
ஆலமரம் விழுதுகள் போல
கருங்கூந்தல் நீளம்
ஆளானப் பொண்ணு
அவ பேருங் கூட நீலம்.
*
தண்ணிக் குடம் தூக்கிப் போனா
தளும்பவில்லை மனசு
கண்பார்வை வீசிப் போனா
காதல் விழிச்சுடரோ புதுசு.
*
செல்போனில் பேசிப் போனா
உதடு சிவந்து தெரியுது
பேசும் வார்த்தை என்னவென்று
காத்துக்கு மட்டும் தெரியுது.
*
காத்து வந்துச் சொன்னா
கட்டிக்க எனக்கு சம்மதம்
நீலமலர் அழகில் சொக்கி
நீண்ட காலம் வாழ்ந்திடுவேன்…!!

*

by **ந.க.துறைவன்** Tue 11 Aug 2015 - 7:15

காதல்மரம்…!!
*
பொழுதடைவதற்குள் வந்துவிடு
உனக்காகக் காத்திருப்பேன்
நூறடிச் சாலை
கல்பென்ஸில் அமர்ந்து
ஆலமரத்தின் கீழ்.
அந்தப் பேரூந்தின் நேரம்
தவறவிட்டுவிடாதே
தவறாமல் வந்துவிடு
என்னெதிரில் இருக்கும்
மலையில் மெல்ல மெல்ல
செஞ்சூரியன் மறைகிறான்
எனக்கோ பதட்டமாகவே
இருக்கிறது நீ எப்பொழுது
வந்துச் சேர்வாய் என்ற
எதிர்பார்ப்போடு நினைவுகள்
என்னைக் கடந்து
மேய்ச்சலுக்குப் போன ஆடுகள்
வீடு திரும்பிக் கொண்டிருக்கின்றன.
ஊர்க்காரப் பையன்கள் என்னை
விசாரித்துவிட்டுப் போகிறார்கள்
எல்லா பேரூந்துகளும்
நேரத்தோடு போய்விட்டது
நீ வரவேண்டிய பேரூந்து மட்டும்
இன்னும் காணோம்
என் முகவியர்வையைப் பார்த்து
எனக்காக விசிறிக் கொண்டிருக்கிறது
ஆல் அரசு வேம்பு இணைந்த
காதல்மரம்.
*

*

சிறப்பான கவிதைகள்

by **சே.குமார்** Fri 21 Aug 2015 - 16:42

அருமை ஐயா....

by **ந.க.துறைவன்** Fri 28 Aug 2015 - 4:01

துவக்கம்…!!
*
அவளொரு மலரைப் போன்று
விழித்தெழுந்தாள்
மனதில் என்னவோவொரு
புதிய சிந்தனையோடு
புன்னகைப் பூத்தாள்.
எல்லையற்ற ஆசைகளோடு
எதிர்காலச் செயல்களைச்
சித்திரமாய் வரைந்து
இதயக் கணினியில் பதிந்தாள்.
அடிக்கடி நிலைக் கண்ணாடியில்
முகம் பார்த்து பார்த்து
புன்சிரிப்புச் சிரித்துக் கொண்டாள்
அவளுடைய அழகே கண்டே
அவள் பொறாமையோடு
முகம் சுழித்தாள்.
எதைப் பற்றியோ கேட்டு
விசாரிக்கும் அன்னியனிடம்
தலைக் கவிந்து வெட்கப்பட்டுப்
பதில் சொன்னாள்.
வாசலில் நிற்கும் சிட்டுக்குருவியை
விரட்டாமல் ரசித்து பார்த்தாள்
செல்போன் ஒலிக்கேட்டு
பதறாமல் எடுத்துப் பேசினாள்
முகமெல்லாம் மலர்ந்தது
தாமரைப் பூவாய்

*

by **சே.குமார்** Fri 28 Aug 2015 - 8:58

அருமை ஐயா...

by **ந.க.துறைவன்** Fri 18 Sep 2015 - 7:36

சுகவலி….!!
*
உன்
தலைவலிக்குத்
தைலம் தேய்த்து விட்டேனே
வலி குறைந்து விட்டதா?
இப்பொழுது தான்
எனக்கு புரிந்தது
தைல வருடலின்
ஸ்பரிச சுகத்தை
விரும்புகிறது
உன் சுய தலைவலி.
வலி சுகமானது
சுகம் வெட்கமாகது.

*

by **சே.குமார்** Fri 18 Sep 2015 - 14:45

நன்று ஐயா.

by **ந.க.துறைவன்** Sat 19 Sep 2015 - 8:01

கலகலப்பு…!!

*
எனக்குக் காட்டிய
காதல் சமாதானக்
கொடியென்று
கவனிக்கிறேன்.
நீ
கூந்தலில் சூடியுள்ள
மல்லிகைப் பூ…!!
*
நீ
கலகலப்பாக இருக்கிறாய்
என்பதை உணர்த்துகின்றது
,இன்று கூந்தலில் சூடிய
கனகாம்பரம் பூ…!!
*

by **நேசமுடன் ஹாசிம்** Sat 19 Sep 2015 - 8:02

ந.க.துறைவன் wrote:கலகலப்பு…!!

*
எனக்குக் காட்டிய
காதல் சமாதானக்
கொடியென்று
கவனிக்கிறேன்.
நீ
கூந்தலில் சூடியுள்ள
மல்லிகைப் பூ…!!
*
நீ
கலகலப்பாக இருக்கிறாய்
என்பதை உணர்த்துகின்றது
,இன்று கூந்தலில் சூடிய
கனகாம்பரம் பூ…!!
*

அருமை அண்ணா

by **ந.க.துறைவன்** Fri 20 Nov 2015 - 13:55

காதல் கா கசம்….!!
1.
அண்டா கா கசம் அபு கா கசம்
அன்பு கா கசம் காதல் கா கசம்
திறந்திடு சீசே..
இப்பொழுது என்னிடம்
ஒப்படைத்திடு
அவளை என் வசம்.
2.
பாதுகாப்பாக இதய லாக்கரில்
பூட்டி வைத்திருக்கிறாயே
உன் தங்கம்
மீட்டுவிட்டாயா? அல்லது
எவருக்கேனும் கோட்டை
விட்டு விட்டாயா?
உருகி உருகி
வேறு நகையானதோ?
உன் சொ ( ந்த ) க்க தங்கம்.
*

by **ந.க.துறைவன்** Wed 30 Dec 2015 - 3:33

பரிசு…!!
*
1.
எனக்கு கொடுக்கப்போகும்
இன்பப் பரிசு என்னவென்று
சொல்லாமாட்டேன்
இரகசியமென்று சொன்னாய்?
உதடு உச்சரிப்பு சொன்ன
அசைவிலிருந்து உண்மைளைப்
புரிந்துக் கொண்டேன்
அதுவாகத் தானிருக்குமோ?
சத்தமற்ற சத்தம்.
* .
2.
நான் வளர்க்கும் பூச்செடிக்கு
உன் பெயர் வைத்திருக்கிறேன்
அது பூக்கும் ஒவ்வொரு பூவும்
உனக்கென்
அன்புக் காதல் பரிசு.

*

by **ந.க.துறைவன்** Sat 2 Jan 2016 - 4:06

டைரி…!!
*
உன்னைப் பார்த்த நாளிலிருந்து
டைரி எழுதுவதை நிறுத்தி விட்டேன்
என் நினைவுகளையெல்லாம்
உன்னுள் பதிவாகி விடுகிறதே…
நான் கேட்காமலே
ஒவ்வொரு நிகழ்வையும்
நீயே
நினைவுபடுத்தி
சொல்லி விடுகிறாய்
பிறகெதற்காக
எழுத வேண்டும் டைரி
என்றும் நீதானே
என் சிவசக்தி மெமரி…!!

by **நண்பன்** Sat 2 Jan 2016 - 10:37

அனைத்தும் அருமையாக உள்ளது
டைரி இன்னும் அழகு மகிழ்ச்சி

இன்னும் சேனை கவிதை படை போல் வரணும்
வாழ்த்துகள்

by **ந.க.துறைவன்** Mon 18 Jan 2016 - 3:49

நீ எழுது…!!
*
உன்னிடம் பேசி அனுபவித்து
இரசித்துக் களித்தக்
கரும்பு வரிக் கவிதைகள்
எழுத நீ கிடைத்தாய்.
புத்தாண்டு புதிய டைரியில்..
புத்துணர்வுப் பூபாளக் கவிதைகள்
நான் எழுதுகிறேன்
நீ படி
உணர்வும் உள்ளமும் உறவாடும்
உணர்ச்சிமீகுக் காதலும் ஊடலும்
உற்சாகமாய் குறுங்கவிதைகளில்
நீ எழுது
நான் படிக்கிறேன்.
மனவெழுச்சிக்கு வழிக்காட்டட்டும் கவிதைகள்
வாழ்க்கைக்கு வழிக் காட்டட்டும் காதல்.

*

by **ந.க.துறைவன்** Thu 3 Mar 2016 - 4:48

அச்சமே ஆபத்து….!!
*
அன்றைய காதலர்களின்
காதல் கடிதங்கள்
பாதுகாக்கப்பட்டன.
வரலாற்றில் பதியப்பட்டன.
இன்றைய காதலர்கள்
கடிதம் எழுதுவதை மறந்து
எஸ்எம்எஸ்
குறுஞ்செய்திகளில்
பரிமாறிக் கொண்டு
அடுத்த நொடியே
அழகியல் கற்பனை வரிகளை
அழித்துவிட்டு
ஆசுவாசப்படுத்திக் கொண்டு
பாதுகாப்பு தேடிக்கொள்கிறார்கள்.
சமுகச் சங்கிலியில் சிக்குண்டு
அச்சத்தில் வாழ்வது சாதல்
அச்சமின்றி வாழ்வது காதல்.

*

by Sponsored content

ந.க. துறைவன் பித்தப் பூக்கள்...!!.

ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.