பெயர்க் காரணம்- ஆரஞ்சு பழம்

by **rammalar** Fri 24 Apr 2015 - 10:38

[img]

[/img]

–
ஆரஞ்சு பழத்தை தெலுங்கில் நாரிங்கம் பழம்
என்பார்கள். அங்கிருந்து சமஸ்கிருதம் வாங்கி
நாரிஞ்சம் பழம் என்று பெயர் மாற்றம் செய்தது.

அதிலிருந்துதான் ஆங்கிலத்தில் ஆரஞ்சு என
பெயர் வந்தது. ஆரஞ்சு பழத்துக்கு பெர்சிய
மற்றும் அரேபிய மொழிகளிலும் நாரிஞ்ச
என்றுதான் பெயர்.

சாத்துக்குடி என்ற பெயர் வந்ததற்கு காரணம்,
சாத்தன் என்பது வணிகர்களை குறிக்கும்.
வணிகர்கள் அதிகம் வசிக்கும் பகுதி சாத்துக்குடி
என்றானது. அவர்கள் தங்கள் பயணத்தின்போது
எடுத்துச் செல்லும் பழமாக இருந்ததால் அதற்கு
அப்பெயர் வந்ததாக கூறுவார்கள்.

இன்னும் ஒரு சிலர், சாத்தன் என பிட்சை கேட்டு
தவ வாழ்க்கை வாழும் சாதுக்களை, குறிப்பாக
புத்த பிட்சுக்களை அழைப்பார்கள்.

அவர்களுக்கு விருப்பமுடன் தரப்படும் பழம்
என்பதால், அதற்கு சாத்துக்குடி என்று பெயர்
என்றும் கூறப்படுகிறது.

சாத்துக்குடியை இலங்கையில் ‘தோடம்பழம்’
என்று பெயர். பாஸ்பரஸ் நிறைந்துள்ள பழம்
என்பதால் சம்பராப் பழம் (சம்பரா என்றால்
பாஸ்பரஸ்) என்றும் பெயருண்டு.

ஆரஞ்சு பழத்தின் வகைகள்
------

உலகம் முழுக்க சுமார் 600 வகை ஆரஞ்சுகள்
உள்ளன. எல்லாவற்றையும் புளிப்புச் சுவை
கொண்டவை அல்லது இனிப்புச் சுவை
கொண்டவை என இரு பிரிவுகளில் அடக்கி
விடலாம். நேவல் ஆரஞ்சு, ப்ளட் ஆரஞ்சு,
வேலன்சியா, ஜாபா எனப்படுபவை உலகம்
முழுக்க அதிகம் காணப்படுகின்றன.

நம் ஊரில் கிடைக்கும் கமலா ஆரஞ்சு பழங்கள்
(loose jacket variety) மெல்லிய
தோல் ஆரஞ்சுகள் என ஐரோப்பியர்களால்
அடையாளம் காட்டப்படுகின்றது.

நேவல் ஆரஞ்சுகள் அளவில் சற்றுப் பெரியது.
இனிக்கும் சுவையுடைய, விதைகளற்ற பழங்கள்
அவை. அமெரிக்காவில் அதிகம் விளையக்கூடியது.

ப்ளட் ரெட் வகைகள் இத்தாலியை சேர்ந்தவை.
உள்ளிருக்கும் சுளைகள் சிவந்த நிறத்தில்
காணப்படும்.

ஜாபா வகைகள் இஸ்ரேலிலும், க்ளமெந்த்
ஆரஞ்சுகள் மொராக்காவிலும் பயிராகின்றன.
பிரேசில், ஆரஞ்சு உற்பத்தியில் முதலிடம்
வகிக்கிறது.
-
------------------------

-தினத்தந்தி-------

by **கமாலுதீன்** Sat 25 Apr 2015 - 3:18

ஆரஞ்சுப் பழம் பற்றிய ஆராச்சித் தகவல் அருமை. பகிர்வுக்கு நன்றி.

எனக்கொரு சந்தேகம்:
ஆரஞ்சு என்பது ஒரு பழத்தின் பெயர்
ஆரஞ்சு என்பது ஒரு நிறத்தின் பெயர்.

ஆரஞ்சுப்பழம் ஆரஞ்சு நிறத்தில் இருப்பதால் அதனை ஆரஞ்சுப்பழம் என்கிறார்களா? அல்லது ஆரஞ்சு நிறம் ஆரஞ்சு பழத்தின் நிறத்தில் இருப்பதால் அதனை ஆரஞ்சு நிறம் என்கிறார்களா? ஒன்னும் புரியல

பழமா அல்லது நிறமா‍ - ‍எது முதலில்?

by **நண்பன்** Sat 25 Apr 2015 - 7:28

கமாலுதீன் wrote:ஆரஞ்சுப் பழம் பற்றிய ஆராச்சித் தகவல் அருமை. பகிர்வுக்கு நன்றி.

எனக்கொரு சந்தேகம்:
ஆரஞ்சு என்பது ஒரு பழத்தின் பெயர்
ஆரஞ்சு என்பது ஒரு நிறத்தின் பெயர்.

ஆரஞ்சுப்பழம் ஆரஞ்சு நிறத்தில் இருப்பதால் அதனை ஆரஞ்சுப்பழம் என்கிறார்களா? அல்லது ஆரஞ்சு நிறம் ஆரஞ்சு பழத்தின் நிறத்தில் இருப்பதால் அதனை ஆரஞ்சு நிறம் என்கிறார்களா? பழமா அல்லது நிறமா‍ - ‍எது முதலில்?

அருமையான கேள்வி முதலில் நிறம்தான் பிறகுதான் பழம்
ராம் அண்ணனுக்கு நன்றி புதிய தகவல் மகிழ்ச்சி

by Sponsored content

பெயர்க் காரணம்- ஆரஞ்சு பழம்

பெயர்க் காரணம்- ஆரஞ்சு பழம்

பழமா அல்லது நிறமா‍ - ‍எது முதலில்?

Re: பெயர்க் காரணம்- ஆரஞ்சு பழம்

Re: பெயர்க் காரணம்- ஆரஞ்சு பழம்