ஆத்திரக்காரர்களுக்கு ஜி – மெயிலில் ‘லேட்’ வசதி!

யாருக்காவது, காரசாரமாக மின்னஞ்சலை, ‘டைப்’ செய்து,
‘செண்ட்’ பட்டனை அமுக்கிய பின், ‘அச்சச்சோ, தப்பு
பண்ணிட்டோமே…’ என, நாக்கை கடித்துக் கொள்பவர்களுக்கு
ஒரு நற்செய்தி.
-
‘ஜி – மெயில்’ மின்னஞ்சல் சேவை, அத்தகைய அவசர
புத்திக்காரர்களுக்காகவே, ‘அண்டூ செண்ட்’ என்ற வசதியை
அறிமுகப்படுத்தி இருக்கிறது. இதை பயன்படுத்தினால்,
‘செண்ட்’ பட்டனை அழுத்திய பிறகும், அந்த காட்டமான
மின்னஞ்சல் செல்லாமல், கணினியிலேயே தயங்கி நிற்கும்.
எந்த மின்னஞ்சலும், 5 முதல் 30 வினாடிகள் வரை, தாமதித்த
பின் செல்லும்படி, ஜி – மெயிலுக்கு நீங்கள் உத்தரவிடலாம்.
-
இந்த வசதி உங்களுக்கு தேவை என்றால், ஜி – மெயிலை
திறந்து கொள்ளுங்கள். பின், திரையின் வலது மேல் மூலையில்
இருக்கும் பல் சக்கரம் போன்ற சின்னத்தை, ‘க்ளிக்’ செய்யுங்கள்.
அடுத்து, ‘செட்டிங்ஸ்’ என்று இருப்பதை தேர்வு செய்யுங்கள்.
-
அடுத்து, சற்று கீழே தேடிப் பார்த்தால், ‘அண்டூ செண்ட்’ என்பதற்கு
அருகே உள்ள குட்டிப் பெட்டியை, ‘டிக்’ செய்யுங்கள். கூடவே
உங்கள் மெயில் எத்தனை வினாடிகள் தாமதித்த பின் செல்ல
வேண்டும் என்பதைத் தேர்ந்தெடுங்கள்.
-
அப்புறம், மறக்காமல் திரையின் அடிவாரத்தில் இருக்கும், ‘
சேவ் செட்டிங்க்ஸ்’ என்ற பொத்தானை அழுத்தி, சேமியுங்கள்;
அவ்வளவு தான்!
–
——————————————–
அறிவியல் மலர்