பண பறிமுதல் ரூ.100 கோடியை நெருங்குகிறது

by **rammalar** Tue 10 May 2016 - 16:31

தமிழக சட்டப்பேரவைத் தேர்தல் வரும் 16-ஆம்
தேதி நடைபெறுகிறது. இதையொட்டி அரசியல்
கட்சிகள் வாக்காளர்களுக்கு பணம் கொடுப்பதை
தடுப்பதற்கு தேர்தல் ஆணையம் பல்வேறு
நடவடிக்கைகளை எடுத்து வருகிறது.
-
பறக்கும் படையினர் மற்றும் கண்காணிப்பு குழுவினர்
தீவிர கண்காணிப்பு பணியில் ஈடுபட்டுள்ளனர்.
மேலும் வரும் 12-ஆம் தேதி முதல் ஒவ்வொரு
தொகுதிகளிலும் 20 -25 மண்டலக்குழுக்களும் பணிகளில்
ஈடுபட உள்ளனர். என்றாலும் இந்த தேர்தலில்தான்
பறக்கும் படையினரால் அதிகயளவில் பணம் பறிமுதல்
செய்யப்பட்டுள்ளது.
-
கடந்த 2011 பேரவைத் தேர்தலில் 54 கோடி ரூபாய்
வரைதான் பணம் கைப்பற்றப்பட்டது.
தமிழகத்தில் சட்டப்பேரவைத் தேர்தல் பணி தொடங்கப்பட்ட
நாள் முதல் இதுவரை பறிமுதல் செய்யப்பட்ட பணம்
90 கோடி ரூபாயை நெருங்கி உள்லது. தேர்தலுக்கு இன்னும்
6 நாட்கள் இருப்பதால் பறிமுதல் செய்யப்படும் பணம்
100 கோடியை நெருங்கும் என்று எதிர்பார்க்கப்படுகிறது.
-
இவற்றில் அரசியல் கட்சிகளின் பணம் பறிமுதல் செய்யப்
பட்டிருந்தால் பரவாயில்லை, ஆனால் இதில் பெரும்பாலும்
பாதிக்கப்பட்டது பொதுமக்களும், வியாபாரிகளும் என்று
பல்வேறு இயக்கங்கள் மற்றும் வணிகர் சங்கம் குற்றம்
சாட்டி வருகின்றனர்.
-
இதுகுறித்து தேர்தல் ஆணைய அதிகாரி ஒருவருவரிடம்
கேட்டபோது, உரிய ஆவணங்கள் இல்லாத பணத்தைதான்
பறிமுதல் செய்து வருகிறோம்.
-
பறிமுதல் செய்யப்பட்ட பணத்திற்கு உரிய ஆவணங்கள்
இருந்தால் அந்த பணம் உடனடியாக உரியவருக்கு திருப்பி
வழங்கப்படும் என்று திட்டவட்டமாக கூறினார்.
–
——————–
தினமணி