இடஒதுக்கீட்டில் வசதி படைத்தோரை ஒதுக்க முடியாது: அரசு பதில்

புதுடில்லி 
: 'எஸ்.சி., - எஸ்.டி., பிரிவினருக்கான இடஒதுக்கீட்டு பயன்களை 
பெறுவதில், அந்த பிரிவுகளை சேர்ந்த, வசதி படைத்தோரை 
விலக்கி வைப்பதற்கான சாத்தியம் இல்லை' என, உச்ச 
நீதிமன்றத்தில், மத்திய அரசு தெரிவித்துள்ளது.

இட ஒதுக்கீடுகளின் பலன்களை, அந்த சமூகங்களை சேர்ந்த,
 வசதி படைத்தோருக்கு அளிக்கக் கூடாது எனக் கோரி,
 உச்ச நீதிமன்றத்தில் பொது நலன் வழக்கு தொடரப்பட்டுள்ளது. 

இந்த வழக்கு, உச்ச நீதிமன்ற தலைமை நீதிபதி, தீபக் மிஸ்ரா 
தலைமையிலான அமர்வு முன், நேற்று விசாரணைக்கு வந்து. 
அப்போது, மத்திய அரசு கூடுதல் சொலிசிட்டார் ஜெனரல், 
பி.எஸ்.நரசிம்மா முன்வைத்த வாதம்:

எஸ்.சி., - எஸ்.டி., பிரிவினர் அனைவரும், மிகவும் பிற்பட்ட 
நிலையில் உள்ளனர். இப்பிரிவுகளை சேர்ந்தோருக்கு அளிக்கப்
படும் இடஒதுக்கீட்டு பலன்களை, இந்த சமூகங்களை சேர்ந்த, 
கிரீமி லேயர் மக்கள் பெறாமல் தடுப்பதற்கான சாத்தியம்
 இல்லை. இவ்வாறு அவர் வாதிட்டார்.

இதையடுத்து, பிரமாண பத்திரத்தை, நான்கு வாரங்களில்
 தாக்கல் செய்யும்படி, மத்திய அரசுக்கு, நீதிபதிகள் உத்தரவிட்டனர்.
 இந்த வழக்கில், ஜூலை, இரண்டாம் வாரத்தில், இறுதி உத்தரவு 
பிறப்பிக்கப்படும் என்றும், நீதிபதிகள் கூறினர்.
-
---------------------------------
தினமலர்