தையல் சொல் கேளேல் !

by **நண்பன்** Tue 8 Mar 2011 - 11:34

பெண்கள் சொல்லும் அறிவுரையைக் கேட்டால் பித்தம் பிடிக்குமா? பெண்களின் அறிவு ஆண்களின் அறிவைவிட எந்த விதத்தில் குறைந்தது?. பெரும்பாலானோருக்கு தெரிந்ததும், ஒப்புக்கொள்ளும் ஆண் பெண் வேறுபாடு என்பது உடல் சார்ந்த வேறுபாடே அன்றி. வேறு எந்த விதத்திலும் வேறுபாடு கிடையாது. உடல் பலம் சார்ந்த ஒரு சில வேலைகளை பெண்களால் செய்யமுடியாமல் இருக்கலாம். ஆனால் அதைச் செய்வது பற்றிய அறிவும், தெளிவும் பெண்களுக்கு நிச்சயம் இருக்கும்.

இதெல்லாம் அந்த மூதாட்டி ஒளவைக்குத் தெரியாதா ? ஒரு பெண்னாக இருந்து கொண்டு அதுவும் ஆத்திச் சூடி என்ற ஒரு அறிவுறை நூலை எழுதியவர் ஏன் 'தையல் சொல் கேளேல்' என்றார் ? அவர் தான் சொன்னதை அவருக்கே பொருத்திப் பார்க்காமல் சொன்னாரா ?

அதாவது பெண்களின் பருவத்தை 5 வயது முதல் 40 வயது வரை 7 பருவங்களாக அந்த காலத்தில் பிரித்து வைத்திருந்தனர்.

1. பேதை (வயது 5 - 7)
2. பெதும்பை (வயது 8 -11)
3. மங்கை (வயது 12-13)
4. மடந்தை (வயது 14-19)
5. அரிவை (வயது 20-25)
6. தெரிவை (வயது 26-31)
7. பேரிளம் (வயது 32-40)

இவற்றுள் 5 வயது முதல் 11 வயதுக்குள்ளான பருவத்தை (பேதை மற்றும் பெதும்பை) 'தையல்' என்று கூறுவர். தையல் பருவத்தில் பெண்கள் சிறுமி என்ற அளவில் கருதப்பட்டனர். அந்த வயதில் பொது அறிவு என்பது அவ்வளவாக வளர்ந்திருக்காது என்று கருதியே. அத்தகைய சிறிய பருவத்து பெண்கள் அதாவது சிறுமிகளால் சொல்லப்படுவதை ஆராயமல் கேட்க்கக் கூடாது என்பதற்காகவே ஒளவை பாட்டி அவ்வாறு சொன்னாள். 12 வயதுக்கு மேல் அறிவு ஓரளவுக்கு நன்கு வளர்ந்திருக்கும் என்பதால் பெண்களுக்கு மங்கை பருவத்தில் (வயது 12-13) திருமணம் செய்து கொடுக்கப்பட்டது.

அறிவில் சிறந்த மூதாட்டி உளறுவாரா என்ன ? அரைகுறையாக புரிந்து கொண்டு விளங்கிக் கொண்டு விளக்கம் சொல்பவர்களே... பெண்களை அந்த சொல் அதாவது 'தையல் சொல் கேளேல்' கேவலப் படுத்துவதாக உளறுகிறார்கள். ஒளவையின் சொல் அமுதமொழி என்பதற்கு இதுவே நற்சான்று !

தகவல் குறிப்புதவி நூல்: சித்தர் தத்துவம்
ஆசிரியர் : பா.கமலக்கண்ணன், வானதி பதிப்பகம்

by **நண்பன்** Tue 8 Mar 2011 - 11:40

தையல் சொல் கேளேல்!
=======================

தையல் என்பதற்கு, "பெண்" என்பது நேரிடையான பொருள் தருவதாகும். பெண்
என்னும் சொல் பெரும்பாலும் இளம் வயது மங்கையரைக் குறிப்பதாகும்.
பொறுப்புணர்ச்சி சரிவர அமையாத இளம் வயதில், அற்ப விஷயங்களில் அளவற்ற
ஆசைகொண்டு, அதன் விளைவாக, அளவற்ற துன்பம் அடைவதும், அந்த ஆசையை
நிறைவேற்றிக்கொள்ள ஒவ்வாத முறைகளில் ஈடுபட்டு சாதித்துக்கொள்வதும்,
இப்பெண்கள் பெரும்பாலோரிடம் காணலாம். தாயைவிட, சகோதரியைவிட, தன்
மனைவியின் மேல் அதிக அன்பு செலுத்தும் இயல்புடைய ஆண்கள், இதுபோன்ற
இளம்பெண்களின் சொற்களைக் கேட்டு ஆராயாமல் செயல்படக்கூடாது என்பதை
அறிவுறுத்தும் வகையில்தான் ஔவையார், "தையல் சொல் கேளேல்" என்று
கூறியுள்ளார் என்பதுதான் உண்மை.

(1936, ஏப்ரல் 13 "ஆனந்தபோதினி" மாத இதழில், "மாதர் உலகம்" பகுதியில்,
பண்டிதை திருமதி அசலாம்பிகை எழுதிய கட்டுரையில் இவ்வாறு
குறிப்பிட்டுள்ளார்)

- கிரிஜா மணாளன்.

by **ஹம்னா** Tue 8 Mar 2011 - 12:00

மிகவும் அற்ப்புதமான சிறப்பான பதிவு. :!+: :!+:

by **நண்பன்** Tue 8 Mar 2011 - 13:17

சரண்யா wrote:மிகவும் அற்ப்புதமான சிறப்பான பதிவு. :!+: :!+:

யாருக்காக இது உங்களுக்காக ........
இந்த ........................ @.

by *சம்ஸ் Tue 8 Mar 2011 - 19:59

நன்றி பாஸ் சிறந்த பகிர்விற்க்கு ......

by **rammalar** Tue 8 Mar 2011 - 20:17

----
விளக்கங்கள் அருமை..

by **நண்பன்** Tue 8 Mar 2011 - 23:09

*ரசிகன் wrote:நன்றி பாஸ் சிறந்த பகிர்விற்க்கு ......

:];: :];:

by **நண்பன்** Tue 8 Mar 2011 - 23:11

rammalar wrote:
----
விளக்கங்கள் அருமை..

@. :];: :];:

by Sponsored content

தையல் சொல் கேளேல் !

தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !

Re: தையல் சொல் கேளேல் !