தென்னாப்பிரிக்காவுக்கு எதிரான இறுதிப் போட்டியில், கடைசிவரை போராடிய இந்தியா கோப்பை வென்றது.

by **rammalar** Sat 29 Jun 2024 - 21:25

டி20 உலகக் கோப்பை இறுதிப் போட்டியில்,
தென்னாப்பிரிவாக்கு எதிராக கடுமையாக போராடிய இந்திய
அணி, கோப்பை வென்றது.

டாஸ்:
டி20 உலகக் கோப்பை 2024 தொடரின் இறுதிப் போட்டியில்
டாஸ் வென்ற இந்திய அணி, முதலில் பேட்டிங்கை தேர்வு
செய்தது. பிட்ச் பிளாட்டாக இருப்பதால், முதலில் களமிறங்கினால்,
பெரிய ஸ்கோர் அடிக்க முடியும் என்ற நம்பிக்கையில்தான்,
ரோஹித் முதலில் பேட்டிங்கை தேர்வு செய்தார்.

அடுத்தடுத்து விக்கெட்:
கடந்த ஒருநாள் உலகக் கோப்பை 2023 பைனலில், ரோஹித் சர்மா
எப்படி இரண்டு பவுண்டரிகளை அடித்து ஆட்டமிழந்தாரோ,
அதேபோல் தற்போதும், 5 பந்துகளில் 2 பவுண்டரிகளை அடித்து
விட்டு, 9 ரன்களுக்கு ஆட்டமிழந்தார்.

அடுத்து, ரிஷப் பந்தும் 0 (2) அதே ஓவரில் நடையைக் கட்டினார்.
சூர்யகுமார் யாதவும் 3 (4) நிலைக்கவில்லை.

இந்திய அணி, இப்படி 34/3 என படுமோசமாக திணறிய சமயத்தில்
கோலி மற்றும் அக்சர் படேல் ஆகியோர் பெரிய பார்ட்னர்ஷிப்
அமைத்தனர். அப்போது, அக்சர் படேல் 47 (31) ரன்அவுட் ஆகி
நடையைக் கட்டினார்.

நிதானமாக விளையாடிய கோலி:--
-
விராட் கோலி, துவக்கம் முதலே நிதானமாகதான் விளையாடி
வந்தார். சிங்கில் எடுபபதில்தான் அதிக கவனம் செலுத்தினார்.
பிட்ச் பிளாட்டாக இருந்தபோதும், அவ்வபோது விக்கெட் ஸ்லோவாக
இருந்தது. இதனால், அடித்து ஆடினால், விக்கெட் விழ வாய்ப்பு
இருந்தது. இதனால்தான், கோலி நிதானமாக ஆடினார்.
--
176 ரன்கள் குவிப்பு:
விராட் கோலி 48 பந்துகளில் அரை சதம் அடித்தப் பிறகு, இரண்டு
சிக்ஸர்களை பறக்கவிட்டார். இறுதியில், 59 பந்துகளில் 6 பவுண்டரி,
2 சிக்ஸர்கள் உட்பட 76 ரன்களை குவித்து ஆட்டமிழந்தார்.
ஷிவம் துபேவும் 27 (16) தனது பங்கிற்கு ரன்களை அடித்ததால்,
இந்தியா 176/7 ரன்களை குவித்தது.

சாதனை:
டி20 உலகக் கோப்பை பைனல் வரலாற்றில் 172 ரன்கள்தான் பெரிய
ஸ்கோராக இருந்தது. இந்நிலையில், அந்த சாதனையை தற்போது
இந்தியா தகர்த்து உள்ளது.

by **rammalar** Sat 29 Jun 2024 - 21:29

தென்னாப்பிரிக்க இன்னிங்ஸ்:
-
இலக்கை துரத்திக் களமிறங்கிய தென்னாப்பிரிக்க அணியில்,
டி காக் 39 (31), ஸ்டப்ஸ் 31 (21), கிளாசின் 52 (27), டேவிட் மில்லர்
21 (17) ஆகியோர் விளையாடனார்கள்

ஒரு கட்டத்தில், 27 பந்துகளில் 26 ரன்கள்தான் அடிக்க வேண்டும்
என்ற நிலை இருந்தது.

16.1 ஓவரில் நடந்த ட்விஸ்ட்:

அப்போது, 16.1ஆவது ஓவரில், ஹர்திக் பாண்டியா வீசிய பந்தில்
கிளாசின் 52 (27) ஆட்டமிழந்தார். அவ்வளவுதான், அடுத்து யான்சன்
போன்ற பார்ட் டைம் பேட்டர்தான்,மில்லருடன் ஆட வேண்டிய நிலை
ஏற்பட்டது. இதனால், தென்னாப்பிரிக்க அணி சொதப்ப ஆரம்பித்தது.

அந்த ஓவரில் 4 ரன், அடுத்து பும்ரா ஓவரில் 2 ரன், தொடர்ந்து
அர்ஷ்தீப் சிங் ஓவரில் 4 ரன் மட்டுமே சென்றது. இறுதி ஓவரில்
16 ரன்கள் அடிக்க வேண்டும் என்ற நிலை வந்தபோது, ஹர்திக்
பாண்டியா அபாரமாக பந்துவீசி 8 ரன்களை மட்டுமே விட்டுக்
கொடுத்தார்.

19.1ஆவது ஓவரில், ஹர்திக் பாண்டியா வீசிய பந்தை மில்லர் லாக்
ஆன் திசையில் சிக்ஸர் அடிக்க முற்பட்டபோது, சூர்யகுமார் யாதவ்
பவுண்டரி லைனில் இன் அன்ட் அவுட் கேட்ச் பிடித்து அசத்தினார்.
இதுவும், வெற்றிக்கு காரணமாக அமைந்தது.
-
நன்றி-தமிழ் சமயம் செய்திகள்

தென்னாப்பிரிக்காவுக்கு எதிரான இறுதிப் போட்டியில், கடைசிவரை போராடிய இந்தியா கோப்பை வென்றது.

தென்னாப்பிரிக்காவுக்கு எதிரான இறுதிப் போட்டியில், கடைசிவரை போராடிய இந்தியா கோப்பை வென்றது.

Re: தென்னாப்பிரிக்காவுக்கு எதிரான இறுதிப் போட்டியில், கடைசிவரை போராடிய இந்தியா கோப்பை வென்றது.