ஜனாதிபதி மஹிந்தவையே மோதி விபத்துக்குள்ளாக்க முனைந்த அமைச்சரின் வாகனம்! பிரதியமைச்சர் வி.முரளிதரனின் வாகன அணி என தெரியவந்துள்ளது

தன்னையே
மோதி விபத்துக்குள்ளாக்கும் வகையில் அமைச்சரொருவரின் வாகனம் பயணித்தது
குறித்து ஜனாதிபதி மஹிந்த ராஜபக்ஷ கடும் சினமடைந்துள்ளார்.
பிரஸ்தாப சம்பவம் இன்று காலை இடம்பெற்றுள்ளதாக ஜனாதிபதி செயலகத் தகவல்கள் மூலம் தெரிய வருகின்றது.
இன்று காலை ஜனாதிபதி மஹிந்த ராஜபக்ஷ தனது பாதுகாப்புப் பரிவார வாகனங்கள்
மற்றும் பாதுகாப்பு அதிகாரிகள் இன்றிய நிலையில் தானே வாகனமொன்றை ஓட்டிக்
கொண்டு பாராளுமன்றத்திற்குச் செல்லும் பாதையில் பயணித்துள்ளார்.
அதன் போது அமைச்சரொருவரின் வாகனமொன்றும் அதனுடன் பயணித்த பாதுகாப்பு
வாகனங்களும் ஜனாதிபதியின் வாகனத்தை முட்டித்தள்ளும் வகையில் அநாயாச
வேகத்தில் பயணித்துள்ளன. ஆயினும் ஜனாதிபதியின் சாதுரியமான வாகனமோட்டல்
காரணமாக விபத்து நூலிழையில் தவிர்க்கப்பட்டுள்ளது.
ஆயினும் பிரஸ்தாப சம்பவம் காரணமாக ஜனாதிபதி மஹிந்த ராஜபக்ஷ கடும்
சினமடைந்துள்ளார். தனது மெய்ப்பாதுகாவலர் நெவிலிடம் "பார்.. இவன் என்னையே
முட்டித் தள்ளிவிட்டு போகின்றான்" என்றவாறு கடுமையான வார்த்தைகளை
உதிர்த்துள்ளார்.
அமைச்சர்களின் வாகனங்கள் பொதுமக்களுக்கு இடையூறான வகையில் பயணிப்பது
குறித்து ஜனாதிபதிக்கு கடந்த சில நாட்களாக பல்வேறு முறைப்பாடுகள் கிடைக்கப்
பெற்றிருந்தன. அதனை பரீட்சித்துப் பார்க்கும் வகையிலேயே அவர் இன்று
பாராளுமன்றப் பாதையில் தனியாகப் பயணித்துள்ளதுடன், அந்த அனுபவத்தை
நேரடியாகவும் பெற்றுள்ளார்.
நுரைச்சோலை அனல்மின் நிலையத் திறப்புவிழாவில் கலந்து கொள்ளச் சென்ற
அமைச்சா் ஜோன் செனவிரத்தினவின் வாகனம் அதிவேகம் காரணமாக கட்டுப்பாட்டை
இழந்து பஸ்ஸொன்றில் மோதி விபத்துக்குள்ளான சம்பவம் நேற்று
இடம்பெற்றிருந்தமை குறிப்பிடத்தக்கது.
ஜனாதிபதியின் வாகனத்தை மோதும் அளவுக்கு சென்ற பிரதியமைச்சர் கருணாவின் பாதுகாப்பு தொடரணி
ஜனாதிபதி மஹிந்த ராஜபக்சவின் வாகனத்தை மோதும் அளவிற்கு சென்ற வாகன அணி,
பிரதியமைச்சர் விநாயகமூர்த்தி முரளிதரனின் வாகன அணி என தெரியவந்துள்ளது.
அமைச்சர்கள் வீதிகளில் பயணம் செய்யும் போது பொதுமக்களுக்கு பாதிப்பு ஏற்படுவதாக ஜனாதிபதியிடம் முறைப்பாடுகள் செய்யப்பட்டன.
இதனையடுத்து இன்று காலை பாதுகாப்பு வாகன தொடரணி இல்லாமல், தமது சாரதி
மற்றும் மெய்ப்பாதுகாவலர் ஆகியோரை மாத்திரம் ஏற்றிய வாகனத்தி;ல் ஜனாதிபதி
கொழும்பில் சுற்றுப்பணம் ஒன்றை மேற்கொண்டார்.
இதன் போது நாடாளுமன்ற பாதையில் செல்லும் போது அமைச்சர் ஒருவரின்
பாதுகாப்பு தொடரணி, ஜனாதிபதி பயணித்த வாகனத்தை மோதும் அளவிற்கு கடந்து
சென்றது.
இதன் போது அமைச்சர்களின் வாகனங்கள் பொதுமக்களுக்கு இடையூறாக இருப்பதை ஜனாதிபதி ஏற்றுக்கொள்ளக்கூடியதாக இருந்தது.
இந்தநிலையில் தமது வாகனத்தை மோதும் அளவிற்கு சென்ற வாகனம் யாருடையது என
விசாரித்து போது அது பிரதியமைச்சர் கருணாவின் வாகனம் என்பது தெரியவந்தது.
இதனையடுத்து ஜனாதிபதி கருணாவின் பாதுகாப்பு வாகன தொடரணியின் மீது நடவடிக்கை எடுப்பாரா என அனைவரும் எதிர்பார்த்துள்ளனர்.