இளம் மனைவியை உயிருடன் புதைத்த கணவன் ! காத்தான்குடியில் சம்பவம்

by **mufees** Fri 10 Jun 2011 - 15:05

கள்ளக் காதலிக்காக தனது இளம் மனைவியை அடித்து குற்றுயிராகப் புதைத்த கணவன் ஒருவர் காத்தான்குடிப் பொலிசாரால் கைது செய்யப்பட்டுள்ளனர்.

மட்டக்களப்பு காத்தான்குடிப் பிரதேசத்தில் இச்சம்பவம் இடம்பெற்றுள்ளது. இது தொடர்பாகத் தெரியவருவது:

காத்தான்குடிப் பிரதேசவாசியான குறித்த சந்தேக நபருக்கு அண்மையில்தான் திருமணமாகியிருக்கிறது. சந்தேக நபருக்கு திருமணத்திற்கு முன்பே வேறெரு பெண்ணுடன் தொடர்பிருந்துள்ளது.

திருமணத்தின் பின் தனது கள்ளக்காதலியுடன் தொடர்பைப் பேணுவதற்கு தடையாக இருந்துள்ளார் இவரது 24 வயதுடைய இளம் மனைவி.

இதனால் இருவருக்குமிடையே சிறுசிறு சண்டைகள் வந்துள்ளது. கடந்த ஒரு வாரத்திற்கு முன் இவ்வாறு சண்டை வந்த போது தனது மனைவியை கொலை செய்யும் அளவிற்கு சந்தேகநபர் தாக்கியுள்ளார்.

இதன்போது இளம் மனைவி மயக்கமுற்று விழுந்துள்ளார். மயக்கமுற்று விழுந்தவர் இறந்துவிட்டார் என எண்ணிய கணவன் தனது வளவினுள் யாருக்கும் தெரியாமல் புதைகுழி ஒன்றைக் தோண்டியுள்ளான்.

பின்னர் தனது குற்றுயிராகக் கிடந்த மனைவியை உயிருடன் அப்புதைகுழியில் புதைத்துவிட்டான்.

பின்னர் உறவினர்களிடம் தனது மனைவி வேறேரு ஆணுடன் தொடர்பு வைத்துள்ளார். அந்நபருடன் ஓடிவிட்டார் என தெரிவித்துள்ளான்.

அப்பெண்ணைக் காணாததனால் அவர்களும் அவன் சொல்லியதை நம்பி பிரதேசமெங்கும் தேடியுள்ளனர். இதில் ஒன்றுமே நடவாதது போல் கணவனும் தேடுவது போன்று நாடகமாடியுள்ளான்.

பெண் காணாமல் போனது தொடர்பாக காத்தான்குடிப் பொலிசுக்கு முறைப்பாடு தெரிவிக்கப்பட்டது. காத்தான்குடிப் பொலிசார் தீவிர விசாரணையை மேற்கொண்டனர்.

இதன்போது குறித்த பெண் தனது வளவிலேயே புதைக்கப்பட்டுள்ளதை கண்டுபிடித்தனர். இதனை அடுத்து கணவனை கைது செய்யப்பட்டுள்ளார்.

தற்போது இவரை விசேட குற்றத் தடுப்புப் பிரிவினர் தடுத்து வைத்து விசாரணைகளை மேற்கொண்டு வருகின்றனர்.