இன்று இரவு பூரண சந்திர கிரகணம்!

by *சம்ஸ் Wed 15 Jun 2011 - 22:01

பெளர்ணமி தினமான இன்று சந்திரகிரகணம் நிகழவுள்ளதாக இந்திய வானியலாளர்கள் தெரிவிக்கின்றனர். இரவு 11.52 மணிக்கு ஆரம்பமாகும் சந்திர கிரகணம் அதிகாலை 3.32 மணிக்கு முடிவடையும் எனத் தெரிவிக்கப்படுகிறது.
கிரகண அதிபதியாக சந்திரன் வருவதால்- கிரகணத்துக்குப் பிறகு வரும் காலத்தில் சூறாவளி காற்று வீசும்- நல்ல மழை பெய்யும் எனவும் கூறப்படுகிறது.

இன்றைய சந்திரகிரகணத்தை 21-ஆம் நூற்றாண்டின்- அடர் இருள் சந்திர கிரகணம் என்கின்றனர்.

இதே போன்ற சந்திரகிரகணம் 1971ஆம் ஆண்டு ஆகஸ்ட் 6ஆம் திகதி ஏற்பட்டது.

சூரியனுக்கும் சந்திரனுக்கும் இடையே பூமி வரும் போது நிகழ்வதே சந்திர கிரகணம். பூமியின் நிழலானது சந்திரனின் மீது விழுவதால்- அது மறைக்கப்படுகிறது.

அடுத்து இதே போன்ற அடர் சந்திரகிரகணம் 2141 ஆம் ஆண்டு ஏற்படும் என்றும் இந்திய வானியலாளர்கள் தெரிவிக்கின்றனர்.

by *சம்ஸ் Wed 15 Jun 2011 - 22:03

இந்த நூற்றாண்டில், மிக நீண்ட நேரம் நீடிக்கும் சந்திர கிரகணம் இன்று நள்ளிரவு ஏற்படுகிறது. `தமிழ்நாடு முழுவதும் நன்றாகத் தெரியும் இந்த சந்திர கிரகணத்தை வெறுங் கண்ணால் பார்க்கலாம்' என்று அறிவிக்கப்பட்டு உள்ளது.

சூரியன், பூமி, சந்திரன் ஆகியவை ஒரே நேர் கோட்டில் வரும்போது பூமியின் நிழல் சந்திரனில் விழுவதால் சந்திர கிரகணம் ஏற்படுகிறது. இன்று (புதன்கிழமை) நள்ளிரவில் சந்திர கிரகணம் ஏற்படுகிறது. ஆப்பிரிக்கா மற்றும் மத்திய ஆசிய நாடுகளில் இந்த சந்திர கிரகணத்தை முழுமையாக பார்க்கலாம்.

சூரிய கிரகணத்தின்போது சூரியன் மறைந்துவிடும். ஆனால், சந்திர கிரகணத்தின்போது சந்திரன் வட்டம் முழுமையாக தெரியும். பவுர்ணமியன்று வழக்கமாக இருக்கும் வெளிச்சம் குறைந்து சந்திரன் ஒளியிழந்து சிவப்பு நிறத்தில் காணப்படும்.

இன்று இரவு 11.53 மணிக்கு சந்திர கிரகணம் தொடங்கி மறுநாள் அதிகாலை 3.32 மணி வரை நீடிக்கும். உச்ச கட்ட முழுமையான சந்திர கிரகணம் நள்ளிரவு 12.53 மணிக்கு தொடங்கி, அதிகாலை 2.32 மணி வரை நிகழ்கிறது.

இந்த நூற்றாண்டில் மிக நீண்ட நேரம் நீடிக்கும் மிக இருண்ட சந்திர கிரகணம் இதுதான் என்பது குறிப்பிடத்தக்கது.

கடந்த 2000-வது ஆண்டு ஜுலை மாதத்தில் இதைவிட அதிக நேரம் நீடித்த சந்திர கிரகணம் ஏற்பட்டது. இதுபோன்ற நீண்ட நேர சந்திர கிரகணம் இனி வருகிற 2,141-ம் ஆண்டுதான் நிகழும் என்பது குறிப்பிடத்தக்கது.

இந்த சந்திர கிரகணத்தை தமிழ்நாடு முழுவதும் வெறும் கண்ணால் நன்றாக பார்க்கலாம் என்றும், அதனால் எந்தவித பாதிப்பும் வராது என்றும் சென்னையில் உள்ள பிர்லா கோளரங்க செயல் இயக்குனர் பி.அய்யம்பெருமாள் கூறினார்.

பிர்லா கோளரங்கத்தில் டெலஸ்கோப் மூலம் சந்திர கிரகணத்தை பார்ப்பதற்கு சிறப்பு ஏற்பாடுகள் செய்யப்பட்டு உள்ளன. திருச்சியில் உள்ள அறிவியல் மையத்திலும் இதுபோன்ற ஏற்பாடுகள் செய்யப்பட்டு உள்ளன.

இன்று இரவு பூரண சந்திர கிரகணம்!

இன்று இரவு பூரண சந்திர கிரகணம்!

Re: இன்று இரவு பூரண சந்திர கிரகணம்!