பெண் கைதிக்கு பிறந்த குழந்தை.

திண்டுக்கல் : நிலக்கோட்டை பெண்கள் சிறையில் அடைக்கப்பட்டிருந்த கைதிக்கு நேற்று முன்தினம் திண்டுக்கல் அரசு ஆஸ்பத்திரியில் ஆண் குழந்தை பிறந்தது.

மதுரை ஜெய்ஹிந்த்புரத்தை சேர்ந்தவர் சுப்புராஜ். தனது மகளுக்கு ஆசிரியர் வேலை வேண்டி மதுரை பசும்பொன் நகரை சேர்ந்த தனுஷ்கோடி, அவரது மகள் லட்சுமிதேவி, விளாங்குடி ஓய்வு பெற்ற ஆசிரியர் சுந்தர்ராஜ் ஆகியோரிடம் 4 லட்ச ரூபாய் சில மாதங்களுக்கு முன்பு கொடுத்துள்ளார். வேலை வாங்கி தராமல் ஏமாற்றியதோடு பணத்தையும் திருப்பி தரவில்லை. இது குறித்து சுப்புராஜ் மதுரை மத்திய குற்றப்பிரிவு போலீசில் புகார் செய்தார். புகாரின் பேரில் மேற்கண்ட மூவரையும் போலீசார் கைது செய்தனர். கைது செய்யப்பட்ட தனுஷ்கோடி, சுந்தர்ராஜ் இருவரும் மதுரை ஜெயிலில் அடைக்கப்பட்டனர். லட்சுமி தேவி நிலக்கோட்டை பெண்கள் ஜெயிலில் அடைக்கப்பட்டார். நேற்று முன்தினம் இவருக்கு திடீரென வயிற்று வலி ஏற்பட்டது. உடனடியாக திண்டுக்கல் அரசு ஆஸ்பத்திரிக்கு சிகிச்சைக்கு அழைத்துச் சென்றனர். அங்கு அவருக்கு ஆண் குழந்தை பிறந்தது.அவருக்கு திருமணமாகவில்லை என்பது குறிப்பிடத்தக்கது. தாய், குழந்தையை இருவரும் நேற்ற ஜெயிலில் அடைக்கப்பட்டனர்.

:!.: