தேசிய அடையாள அட்டை புகைப்படத்தில் பர்தா அணியக்கூடாது! பாதுகாப்பு செயலர் கோத்தபாய உத்தரவு

தேசிய அடையாள அட்டைக்கான புகைப்படம் எடுக்கும் போது ஆண்கள் தொப்பி அணியக் கூடாது எனவும், பெண்கள் பர்தா அணியக் கூடாது எனவும் பாதுகாப்பு செயலர் கோத்தபாய ராஜபக்சவினால் உத்தரவு பிறப்பிக்கப்பட்டுள்ளது. இச்செயலானது முஸ்லிம் மக்களின் உரிமைகளை சிதைக்கும் முயற்சி என ஐ.தே.க. குற்றஞ்சாட்டியுள்ளது.
மதத் தலைவர்களைத் தவிர்ந்தவர்கள் முஸ்லிம் கலாச்சாரத்தை பிரதிபலிக்கும் வகையில் தேசிய அடையாள அட்டைப் புகைப்படத்தில் தோன்ற முடியாது என பாதுகாப்புச் செயலரினால் வெளியிடப்பட்டுள்ள சுற்றுநிருபம் சகல பிரதேச செயலாளர்களுக்கும் அனுப்பப்பட்டுள்ளது.

முஸ்லிம் மக்களின் கலாச்சார விழுமியங்களுக்கு இடையூறு ஏற்படுத்தும் வகையில் இந்தத் தீர்மானம் அமையப் பெற்றுள்ளது. இந்த நடவடிக்கைக்கு எதிராக உச்சளவில் அரசியல் ரீதியான ஆதரவு வழங்கப்படும் என ஐக்கிய தேசியக் கட்சி அறிவித்துள்ளது.

இந்தத் தீர்மானத்திற்கு எதிராக சட்ட நடவடிக்கை எடுப்பது குறித்து ஆலோசித்து வருவதாகவும் தெரிவித்துள்ளது.

தொப்பி மற்றும் பர்தா ஆகியன முஸ்லிம் மக்களின் மத மற்றும் கலாச்சார சின்னங்கள் எனவும் அந்த உரிமையை முடக்குவதற்கு அரசாங்கம் சந்தர்ப்பம் அளிக்க முடியாது எனவும் ஐக்கிய தேசியக் கட்சி சுட்டிக்காட்டியுள்ளது.

முஸ்லிம் மக்களின் உரிமைகளை உறுதிப்படுத்துவதற்கு சகல இன மக்களும் அணி திரள வேண்டும் என ஐக்கிய தேசியக் கட்சியின் மாகாண சபை உறுப்பினர் முஜிபுர் ரஹ்மான் தெரிவித்துள்ளார்.

கோதபாயக்கு அழிவு காலம் நெருங்கி விட்டது போல் முஸ்லிம் நாடுகள் தரும் ஆதரவில் ஆட்சி அமைத்து இறுதியில் அவர்களுக்கே ஆப்பு வைக்கிறீர்களா :#.:

முஸ்லிம் மக்களின் உரிமைகளை உறுதிப்படுத்துவதற்கு சகல இன மக்களும் அணி திரள வேண்டும் என ஐக்கிய தேசியக் கட்சியின் மாகாண சபை உறுப்பினர் முஜிபுர் ரஹ்மான் தெரிவித்துள்ளார்.

:”@: