இத்;தாலியிலும் முகத்தை மூடும் வகையில் பர்தா அணிய தடைச் சட்டமூலம

பிரான்ஸ், பெல்ஜியத்தை தொடர்ந்து
இத்;தாலியிலும் முகத்தை மூடும் வகையில் பர்தா அணிய தடைச் சட்டமூலம
முகத்தை மூடும்வகையில் பர்தா அணிவதை தடை செய்யும் சட்டமூலத்திற்கு இத்தாலி அரசியலமைப்பு விவகார ஆணையம் அங்கீகாரம் அளித்துள்ளது.

இதன்படி இந்த சட்டமூலம் வரும் செப்டெம்பர் மாதம் இத்தாலி பாராளுமன்றத்திற்கு கொண்டுவரப்படவுள்ளது. இந்த சட்டத்தின் படி பொது இடங்களில் முகத்தை மூடும் வகையில் பர்தா அணிந்தால் 140 முதல் 400 டொலர் வரை அபராதம் விதிக்க வாய்ப்பு உள்ளது.

அதேபோன்று பெண்களின் முகத்தை மூடும்படி நிர்ப்பந்திக்கும் மூன்றாவது நபருக்கு 42,000 டொலர் அபராதம் விதிக்கவும் ஓர் ஆண்டுக்கு மேற்பட்ட சிறைத் தண்டனை விதிக்கவும் சட்டத்தில் இடமளிக்கப்பட்டுள்ளது.

இதேவேளை, இந்த சட்டம் தனி நபர் சுதந்திரத்திற்கு பாதகம் விளைவிப்பதாக கண்டனம் தெரிவித்துள்ள இத்தாலி முஸ்லிம் சமூக அமைப்பு இந்த சட்ட மூலத்திற்கு எதிராக எதிர்க்கட்சிகள் வாக்களிக்கும் என நம்பிக்கை தெரிவித்தது.

ஏற்கனவே பிரான்ஸ், பெல்ஜியம் ஆகிய ஐரோப்பிய நாடுகள் முகத்தை மறைக்கும் வகை பர்தா அணிய தடை விதித்துள்ளமை குறிப்பிடத்தக்கது.

இத்தாலியின் மத்திய வலது கூட்டணியாக பிரதமர் பெர்லுஸ்கோனி அரசு இந்த பர்தா தடைக்கு முழு ஆதரவு தெரிவித்துள்ளது.

இது குறித்து இத்தாலி அரசியலமைப்பு விவகார ஆணையம் கூறுகையில், ‘இந்த பர்தா தடை கருத்தை முதலில் குடியேற்றத்திற்கு எதிரான வடக்கு லீக் அமைப்பு தெரிவித்து இருந்தது. இந்த தடைச் சட்டம் குறித்து செப்டம்பர் மாதம் விவாதிக்கப்படும்’ என தெரிவித்தது. பெர்லுஸ்கோனிக்கு இத்தாலி நாடாளுமன்றத்தின் மேல் மற்றும் கீழ் சபைகளில் பெரும்பான்மை உள்ளது. எனவே முஸ்லிம் பெண்கள் இத்தாலியில் பர்தா அணிய தடை விதிக்கப்படுவது உறுதியாகியுள்ளது. இத்தாலியில் 10 லட்சத்திற்கும் மேற்பட்ட முஸ்லிம்கள் உள்ளனர்.

நல்லது தான் இவர்களுக்கு புடிக்காதே !

பெண்களை கவர்ச்சியாய்,பார்த்தவர்களுக்கு மூடினால் புடிக்குமா ?