மன்னாரில் எண்ணெய் அகழ்வு திட்டமிட்டபடி ஆரம்பம்

மன்னாரில் எண்ணெய் அகழ்வு திட்டமிட்டபடி ஆரம்பம்
மன்னார் வளைகுடா பிரதேசத்தில் எண்ணெய் அகழும் பணி ஆரம்பிக்கப் பட்டுள்ளது. இப்பணிகள் எவ்வித ஆரவாரமுமின்றி ஆரம்பிக்கப்பட்டி ருப்பதாகத் தெரிவித்திருக்கும் பொருளாதார அபிவிருத்தி அமைச்சர் பசில் ராஜபக்ஷ இது நாட்டுக்குப் பாரிய பொருளாதார நன்மையைக் கொண்டு வரும் எனக் கூறினார்.

மன்னார் வளைகுடாவின் வடமேல் பகுதியில் எண்ணெய் வளம் இருப்பதற்கான சாத்தியக்கூறுகள் காணப்படுகின்றன. இத்திட்டம் வெற்றியளித்தால், இலங்கை எரிபொருள் இறக்குமதிக்கு ஏனைய நாடுகளில் தங்கியிருக்க வேண்டிய நிலை ஏற்படாது என அமைச்சர் தெரிவித்துள்ளார்.

மன்னார் பிரதேசத்தில் எண்ணெய் வளம் உள்ளதா என ஆராய்ந்து எண்ணெய் அகழ்வதற்கு இந்தியாவைச் சேர்ந்த “கெய்ரென்” நிறுவனத்துக்கு வழங்கப்பட்டுள்ளது.

எண்ணெய் அகழ்வுப் பணிகள் ஆகஸ்ட் மாதம் ஆரம்பிக்கப்படுமென இந்நிறுவனம் ஏற்கனவே அறிவித்திருந்தது. இந்த நிலையில் திட்டமிட்டபடி அகழ்வுப் பணி ஆரம்பிக்கப்பட்டிருப்பதாக பொருளாதார அமைச்சர் தெரிவித்துள்ளார்.

மன்னார் வளைகுடா பிரதேசத்தில் அகழ்வுப் பணிகளை ஆரம்பித்து மூன்று அல்லது நான்கு மாதங்களில் அப்பகுதியில் எண்ணெய் வளம் உள்ளதா என்பதை அறிய முடியும். இப்பகுதியில் எவ்வளவு எண்ணெய் வளம் உள்ளது என்பதை அறிந்துகொள்ள இரண்டு வருடங்கள் தேவை என்றும் கெய்ரென் நிறுவனம் முன்னர் தெரிவித்திருந்தமை குறிப்பி டத்தக்கது.

கெய்ரன் நிறுவனம் மன்னார் வளைகுடா பகுதியில் மூன்று எண்ணெய்ன் கிணறுகளை அகழவுள்ளமை இங்கு குறிப்பிடத்தக்கது.

நாட்டில் எண்ணெய் விலையாவது குறையட்டும்