பெண் குழந்தையுடன்தாய் தற்கொலை.

திருவண்ணாமலை: கலசப்பாக்கம் அருகே ஆண் குழந்தை இல்லாத ஏக்கத்தில், பெண் குழந்தையை கொலை செய்த தாய், தானும் விஷம் குடித்து தற்கொலை செய்து கொண்டார்.கலசப்பாக்கம் அடுத்த கடலாடி அடுத்த நயம்பாடி கிராமத்தை சேர்ந்தவர் விவசாய கூலி தொழிலாளி ஏழுமலை (42). இவரது மனைவி விஜயலட்சுமி (38). இவர்களுக்கு ஆறு ஆண்டுக்கு முன் திருமணம் நடந்தது.

தமிழரசி (3), சங்கீதா (8 மாதம்) உள்ளிட்ட மூன்று பெண் குழந்தைகளில், ஏற்கனவே ஒரு பெண் குழந்தை இறந்தது.. தமிழரசி பலாப்பட்டில் உள்ள அவரது பாட்டி வீட்டில் வளர்ந்து வருகிறார்.கைக்குழந்தை சங்கீதா, விஜயலட்சுமியுடன் இருந்தார். விஜயலட்சுமிக்கு ஆண் குழந்தை இல்லையே என்ற ஏக்கம் நீண்ட நாட்களாக இருந்து வந்தது. நேற்று முன்தினம் மாலை ஏழுமலையும், அவரது தாய் சுசீலாவும் வேலைக்கு சென்றுவிட்டனர்.வீட்டில் தனியாக இருந்த விஜயலட்சுமி, விஷத்தை குழந்தை சங்கீதாவுக்கு கொடுத்துவிட்டு, தானும் குடித்தார். சிறிது நேரத்தில் வீட்டுக்கு ஏழுமலை வந்த போது, மனைவி, மகள் மயங்கி கிடந்தது கண்டு அதிர்ச்சி அடைந்து, திருவண்ணாமலை அரசு மருத்துவமனையில் இருவரையும் சேர்த்தனர். அங்கு இருவரும் பரிதாபமாக இறந்தனர். கடலாடி போலீஸார் விசாரிக்கின்றனர்.