தனித்து போட்டி அறிவிப்பு: தி.மு.க.வுக்கு, விடுதலை சிறுத்தைகள் கண்டனம்

கூட்டணியில் இருக்கும் போதே தனித்து போட்டி என அறிவித்த தி.மு.க.வின் முடிவை விடுதலை சிறுத்தை கண்டித்துள்ளது.

விடுதலை
சிறுத்தைகள் கட்சியின் மாநில செயற்குழு கூட்டம் வேளச்சேரியில் உள்ள கட்சி
அலுவலகத்தில் நடந்தது. கட்சி தலைவர் திருமாவளவன் எம்.பி. தலைமை தாங்கினார்.
பொதுச் செயலாளர்கள் ரவிக்குமார், சிந்தனைசெல்வன், பொருளாளர் முகம்மது
யூசுப் ஆகியோர் முன்னிலை வகித்தனர்.

கூட்டத்தில் மாநில, மாவட்ட நிர்வாகிகள் கலந்து கொண்டனர். கூட்டத்தில் நிறைவேற்றப்பட்ட தீர்மானம் வருமாறு:-

ராஜீவ்
கொலையாளிகள் மூன்று பேரின் மரண தண்டனையை ரத்து செய்யக்கோரி உயிர்நீத்த
செங்கொடி, பரமக்குடி துப்பாக்கி சூட்டில் பலியானவர்களுக்கு வீரவணக்கம்
செலுத்துவது.

பரமக்குடி துப்பாக்கி சூடு சம்பவம்
குறித்து சி.பி.ஐ. விசாரணைக்கு உத்தரவிடவேண்டும். பரமக்குடி கலவரத்தில்
காவல்துறையினால் கைது செய்யப்பட்டவர்களை உடனே விடுதலை செய்ய வேண்டும்.

உள்ளாட்சி
தேர்தலில் அனைத்து இடங்களிலும் விடுதலை சிறுத்தைகள் கட்சி தனித்து
போட்டியிடுவது. கூட்டணியில் இருந்து கொண்டு இருக்கும் நிலையில் எந்த
ஆலோசனையும் செய்யாமல் தன்னிச்சையாக முடிவு எடுத்து தனித்து போட்டி என்று
அறிவிக்கின்ற திராவிட கட்சியின் ஏகாதிபத்திய மனப்போக்கை விடுதலை
சிறுத்தைகள் கண்டிக்கிறது.

இவ்வாறு தீர்மானங்கள் நிறைவேற்றப்பட்டன.