ரஜினியை இன்று சந்திப்பேன்: சென்னையில் ஷாருக்கான் பேட்டி

by **நண்பன்** Mon 10 Oct 2011 - 13:40

ஷாருக்கான் நடித்துள்ள `ரா ஒன்' இந்திப்படம் தீபாவளிக்கு ரிலீசாகிறது. இப்படத்தில் முக்கிய காட்சியொன்றில் ரஜினிகாந்த் நடித்துள்ளார். மும்பையில் இதற்கான படப்பிடிப்பு நடந்தது. தமிழிலும் `ரா ஒன்' படம் வெளியிடப்படுகிறது. இப்படத்தின் பாடல் சி.டி. வெளியீட்டு விழா சத்யம் தியேட்டரில் இன்று காலை நடந்தது.

விழாவில் ஷாருக்கான் கலந்து கொண்டார். அப்போது ஷாருக்கான் பேசியதாவது:-

உலகின் தலைசிறந்த சினிமா டெக்னீஷியன்களும், நடிகர்களும் சென்னையில் உள்ளனர். இங்கு தயாராகும் படங்கள் உலகத்தரத்தில் உள்ளன. ரஜினி என் படத்தில் நடித்தது மகிழ்ச்சியான விஷயம். சிறு வயதில் அவர் படப்பிடிப்புகளை தூரத்தில் இருந்து பார்த்து உள்ளேன். அப்போது அவரை சந்திக்க முடியுமா? என்று ஏங்கியது உண்டு. இன்று அவர் என் படத்தில் நடித்தது மகிழ்ச்சியான அனுபவம்.

ரஜினி மாதிரி சிறந்த பண்பாளரை பார்ப்பது அரிது. ரஜினி மகள் சவுந்தர்யா உயர்ந்த நிலையில் இருந்தாலும் கூட பழகுவதற்கு எளிமையானவர். அவர் எனக்கு செய்த உதவியை மறக்க முடியாது. ரஜினியை இன்று சந்திப்பேன். ரஜினி படத்தை ரீமேக் செய்து என்னால் நடிக்க இயலாது.

அவரைப்போல் எந்த நடிகராலும் நடிக்க முடியாது. சென்னையில் எனக்கு நிறைய நண்பர்கள் உள்ளனர். நான் 35 வயது வரை காதல் சம்பந்தமான படங்களில் நடித்தேன். தற்போது வேறு கதைகளை தேர்வு செய்து நடிக்கிறேன் `ரா ஒன்' படத்திலும் காதல் இருக்கும். இவ்வாறு ஷாருக்கான் பேசினார். விழாவில் ரஜினி மகள் சவுந்தர்யா, இயக்குனர் மணிரத்னம், நடிகை சுஹாசினி, தியேட்டர் அதிபர் சங்கத்தலைவர் அபிராமி ராமநாதன் ஆகியோர் பங்கேற்றனர்.

மாலைமலர்