அண்ணா அறிவாலய பிரச்சினையில் கருணாநிதி மாறி, மாறி பேசுகிறார்

அ.தி.மு.க. பொதுச் செயலாளர், முதல்- அமைச்சர் ஜெயலலிதா தி.மு.க.
அலுவலகமான சென்னை அண்ணா அறிவாலயம் மிரட்டி வாங்கப்பட்டது என்று
குற்றம்சாட்டினார்.

அண்ணா அறிவாலயம் 25 கிரவுண்டு
இடம் என்று கருணாநிதி கூறியதற்கு அது 25 கிரவுண்டு அல்ல 90 கிரவுண்டு
என்றும், அப்படி 25 கிரவுண்டுக்கு மேல் உள்ள இடத்தை அரசிடம் ஒப்படைக்க
தயாரா? என்றும் ஜெயலலிதா கேள்வி எழுப்பியிருந்தார்.

இதற்கு
தி.மு.க. தலைவர் கருணாநிதி அண்ணா அறிவாலயம் விவகாரத்தில் ஒரு காணி நிலம்
என்பதற்கு 25 கிரவுண்டு என்ற அர்த்தத்தில் தான் பேசினேன் என்று
கூறியிருந்தார். இதற்கு முதல்- அமைச்சர் ஜெயலலிதா நேற்றைய சென்னை தேர்தல்
பிரசார கூட்டத்தில் பதில் கொடுத்துள்ளார்.

சென்னை
மாநகராட்சி அ.தி.மு.க. வேட்பாளர்களை ஆதரித்து ஆலந்தூர் எம்.ஜி.ஆர். சிலை
எதிரில் நடந்த கூட்டத்தில் இதுபற்றி ஜெயலலிதா பேசியதாவது:- அண்ணா
அறிவாலயம் மிரட்டி வாங்கப்பட்டது குறித்து திருச்சியில் நான்
எடுத்துக்கூறினேன். இதற்கு பதில் அளித்த கருணாநிதி, ``அண்ணா அறிவாலயம்
1972-ம் ஆண்டு வாங்கப்பட்டது.

அந்த மனை ஏறத்தாழ 25
கிரவுண்டு இடம்...'' என்று கூறினார். அண்ணா அறிவாலயம் அமைந்துள்ள இடம் 25
கிரவுண்டு அல்ல; 90 கிரவுண்டு என்று தூத்துக்குடியில் நான் எடுத்துக்
கூறினேன். இதற்கு பதில் அளித்த கருணாநிதி, ``ஒரு காணி என்பதற்கு ஏறத்தாழ 25
கிரவுண்டு என்று சொன்னேனே தவிர, முழு இடமுமே 25 கிரவுண்டு என்ற பொருளில்
பேசவில்லை'' என்று கூறி இருக்கிறார்.

இதிலிருந்து,
மாறி, மாறி பேசுவதில் வல்லவர் என்பதை கருணாநிதி நிரூபித்து இருக்கிறார்.
இதை நீங்கள் புரிந்து கொள்ள வேண்டும். அடுத்தபடியாக, ``தி.மு.க. அறக்கட்டளை
பத்திரத்தில் எம்.ஜி.ஆர். பெயரும் இடம்பெற்றுள்ளது. அதை பத்திரத்தில்
காணலாம்'' என்று கூறி இருக்கிறார் கருணாநிதி.

அறக்கட்டளை
பத்திரத்தில் எம்.ஜி.ஆரின் பெயர் இல்லை என்று நான் குறிப்பிடவில்லை. நான்
குறிப்பிட்டதெல்லாம் அண்ணா அறிவாலயம் இடம் வாங்கியதற்கான பத்திரத்தில்,
எம்.ஜி.ஆரின் பெயர் இல்லை என்று தான். மொத்தத்தில், உண்மையை மூடி
மறைக்கப்பார்க்கிறார் கருணாநிதி.

தற்போது, அண்ணா
அறிவாலயம் கருணாநிதியின் குடும்ப சொத்தாகி விட்டது. இப்படிப்பட்ட சுயநலவாதி
கருணாநிதிக்கு நீங்கள் இந்த தேர்தலில் தக்கப் பாடம் புகட்ட வேண்டும் என்று
கேட்டுக்கொள்கிறேன்.

இவ்வாறு ஜெயலலிதா கூறினார்.
மாலை மலர்

அண்ணா அறிவாலையம் கட்டி பல வருடங்கள் ஆகி விட்டது அதை இப்ப போய் ஜெ ஜெ கிளறிக்கொண்டு இருக்கிறார் ..இதிலிருந்து என்ன தெரிகிறது அம்மையாருக்கு ஆட்சிமீது அதிக ஆர்வம் இல்லை கருணா நிதியின் கட்சியையும் அவர் குடும்பத்தையும் கட்சிக்காரர்களையும் நோண்டுவதுதான் தன் ஆட்சியின் பிரதான பணிபோல் செயல்படுகிறார் ஜெ ஜெ .இது அவரை பெரும்பாண்மை பலத்தோடு வெற்றி கொள்ள வைத்த தமிழக மக்களுக்கு அவர் செய்யும் துரோகம் ..மீண்டும் தான் சரியான குடும்ப பெண் இல்லை என்பதையும் ஆட்சி செய்யும் திறமை தனக்கு இல்லை என்பதையும் தெளிவாக காட்டி விட்டார் ஜெ .மக்கள் இனி விளித்துக்கொண்டால் நல்லது