அத்வானி செல்லும் பாதையில் உள்ள பாலத்தில் வைக்கப்பட்ட பைப் வெடிகுண்டு பறிமுதல்

அத்வானி செல்லும் பாதையில் உள்ள பாலத்தில் வைக்கப்பட்ட பைப்
வெடிகுண்டு பறிமுதல் செய்யப்பட்டது. அப்பகுதியில் மோட்டார் சைக்கிளில் வந்த
7 “மர்ம” ஆசாமிகள் யார்-யார்? என போலீசார் விசாரணை நடத்தி வருகிறார்கள்.

மதுரையில்
கடந்த 27-ந் தேதி அன்று பாரதீய ஜனதா தலைவர் அத்வானி விழிப்புணர்வு
யாத்திரை மேற்கொண்டார். புறநகர் பகுதியிலும் சுற்றுப்பயணம் செய்தார்.

இந்த
நிலையில் திருமங்கலம் அருகே ஆலம்பட்டி பக்கத்தில் உள்ள ஒரு தரைப்பாலத்தில்
10.5 கிலோ எடையுள்ள பைப் வெடிகுண்டு இருந்தது கண்டுபிடிக்கப்பட்டது. இதை
போலீசார் பறிமுதல் செய்து செயல் இழக்க செய்தனர்.

வெடிகுண்டு
வைக்கப்பட்டு இருந்த இடத்தை ஏ.டி.ஜி.பி. ஜார்ஜ் நேற்று பார்வையிட்டு ஆய்வு
செய்தார். இதை தொடர்ந்து திருமங்கலம் தாலுகா போலீசார் வழக்குப்பதிவு
செய்து விசாரணை நடத்தினர்.

வெடிகுண்டு வைத்த
குற்றவாளிகளை பிடிக்க ஏ.டி.எஸ்.பி. மயில்வாகனன் தலைமையில் ஒரு
தனிப்படையும், நக்சலைட்டுக்கள் எதிர்ப்பு படை உள்பட 4 தனிப்படை
அமைக்கப்பட்டுள்ளன.இப்படையினர் பல்வேறு கோணங்ளில் விசாரணை நடத்தி
வருகின்றனர்.

இந்த நிலையில் இவ்வழக்கு விசாரணை
சிறப்பு புலனாய்வு பிரிவுக்கு மாற்றப்பட்டுள்ளது. இச்சிறப்பு பிரிவு
தீவிரமாக விசாரணை நடத்தி வருகிறது.. முதல் கட்ட விசாரணையில் சில தகவல்கள்
கிடைத்துள்ளது. குண்டு கண்டுபிடிக்கப்பட்டதற்கு முதல் நாள் இரவு 3
மோட்டார் சைக்கிளில் 7 பேர் வந்து சென்றுள்ளனர். அவர்கள் அனைவரும் பேண்ட்,
சர்ட் அணிந்திருந்தனர். இவர்கள் யார்? அந்த பகுதிக்கு மோட்டார் சைக்கிளில்
சென்றது ஏன்? வெடிகுண்டு விவகாரத்தில் இவர்களுக்கு தொடர்பு இருக்கலாமா?
அந்த 7 பேர் அந்த பகுதியை சேர்ந்தவர்களா? என்பது குறித்து போலீசார் தீவிர
விசாரணை நடத்தி வருகிறார்கள்.

மோட்டார் சைக்கிளில்
உள்ள பேட்டரியை பயன்படுத்தி பைப் வெடிகுண்டை வெடிக்க செய்ய திட்டமிட்டு
இருந்தது தெரியவந்துள்ளது. மேலும் பேட்டரி வைக்கப்பட்டு இருந்த இடத்தில்
கிடந்த புளு கலர் சட்டையையும் போலீசார் கைப்பற்றினர். அதில் திருமங்கலம்
டெய்லர் கடை பெயர் இருந்தது. அக் கடைகாரரிடம் போலீசார் விசாரணை நடத்தினர்.

இதற்கிடையில்
பெங்களூர் சஞ்சய்நகர் போலீசார் கைக்கு ஒரு கடிதம் கிடைத்துள்ளது. அதில்,
சில பகுதிகளில் வெடிகுண்டு வைக்க திட்டமிட்டு இருப்பதாகவும் அக்கடிதம்
அல்-உம்மா தீவிரவாதிகள் எழுதிய கடிதமாக இருக்குமா? அந்த கடிதம் எழுதிய
அமைப்புக்கும், இந்த வெடிகுண்டு சம்பவத்திற்கும் தொடர்பு இருக்கிறதா?
என்பது குறித்தும் போலீசார் ரகசிய விசாரணை நடத்தி வருகிறார்கள்.

இந்த
நிலையில் டி.கல்லுப்பட்டியை சேர்ந்த ஒருவரை பிடித்து போலீசார் தீவிர
விசாரணை நடத்தியும் வருகிறார்கள். வெடிகுண்டு வைக்கப்பட்டு இருந்த இருந்த
தகவலை போலீசாருக்கு தெரிவித்த ஆலம்பட்டி கிராமத்தைச் சேர்ந்த விவசாயி
செல்வராஜிக்கு ரூ.10 ஆயிரமும், சம்பவ இடத்திற்கு சென்று வெடிகுண்டு
இருப்பதை உறுதி செய்து உயர் அதிகாரிகளுக்கு தகவல் தெரிவித்த
சப்-இன்ஸ்பெக்டர் கண்ணனுக்கு ரூ.15 ஆயிரமும், வெடிகுண்டு செயல் இழக்க செய்த
சப்-இன்ஸ்பெக்டர் செல்லபாண்டிக்கு ரூ.10 ஆயிரமும், திருமங்கலம்
இன்ஸ்பெக்டர் சதாசிவத்திற்கு ரூ.5 ஆயிரமும் வழங்கப்படும் என மாவட்ட போலீஸ்
சூப்பிரண்டு அஸ்ரா கார்க் அறிவித்துள்ளார்

மாலை மலர்

அப்போ வெடிக்கிறதுக்கு முன்னமே எடுத்திட்டாங்களா

இது எல்லாம் பி ஜெ பி யின் விளம்பர செட் அப்

jasmin wrote:இது எல்லாம் பி ஜெ பி யின் விளம்பர செட் அப்

ஆமா...இதிலென்ன ச்ந்தேகமா???

நேசமுடன் ஹாசிம் wrote:அப்போ வெடிக்கிறதுக்கு முன்னமே எடுத்திட்டாங்களா

ஜெஸ்ட் மிஸ் பாஸ்

வெடிகுண்டு வைத்த
குற்றவாளிகளை பிடிக்க ஏ.டி.எஸ்.பி. மயில்வாகனன் தலைமையில் ஒரு
தனிப்படையும், நக்சலைட்டுக்கள் எதிர்ப்பு படை உள்பட 4 தனிப்படை
அமைக்கப்பட்டுள்ளன.இப்படையினர் பல்வேறு கோணங்ளில் விசாரணை நடத்தி
வருகின்றனர்
எல்லாரும் சேர்ந்து என்ன வெல்லாம் நடாத்தி முடிந்ததும் அப்பாவிகளை கைது செய்து விசாரிக்கும் குருட்டு தர்பார் ஆரம்பமாகும்...