அரசு மருத்துவமனைகளில் பணிபுரியும் மருத்துவர்கள் தனியாக கிளீனிக் நடத்த தடை

by **நேசமுடன் ஹாசிம்** Sun 30 Oct 2011 - 10:24

இந்திய சுகாதாரத் துறையில் மனித பற்றாக்குறை அதிகமாக உள்ளதால், அரசு மருத்துவமனையில் பணிபுரியும் மருத்துவர்கள் தனியாக கிளீனிக் நடத்த தடை விதிக்கப்பட வேண்டும் என்று மத்திய சுகாதாரத் துறை அமைச்சர் குலாம் நபி ஆசாத் கூறியுள்ளார்.

இது தொடர்பாக செய்தியாளர்களிடம் பேசிய மத்திய சுகாதார மற்றும் குடும்ப நலத்துறை அமைச்சர் குலாம் நபி ஆசாத்,

கிராமங்கள், மலைப் பிரதேசங்களில் மருத்துவ வசதிகள் சென்று சேரவில்லை. மொத்த மருத்துவர்களில் 26 விழுக்காட்டினர் மட்டுமே கிராமப்புறங்களில் உள்ளனர். இவர்கள் மொத்தமுள்ள மக்கள் தொகையில் 72 விழுக்காட்டினருக்கு மருத்துவம் அளிக்கின்றனர்.

ஆனால், நகரங்களில் வாழும் 28 விழுக்காடு மக்களுக்காக 74 விழுக்காடு மருத்துவர்கள் உள்ளனர். இது கவலை அளிக்கும் விஷயமாக உள்ளது. இதனால், அரசு மருத்துவமனைகளில் பணிபுரியும் மருத்துவர்கள் தனியாக கிளீனிக் நடத்த தடை விதிக்கப்பட வேண்டும். இதனை மாநில அரசுகள் கண்காணித்து அரசு மருத்துவர்கள் மீது நடவடிக்கை எடுக்க வேண்டும். மருத்துவக் கல்லூரிகளில் பணிபுரியும் மருத்துவர்களுக்கும் இது பொருந்தும் என்று கூறியுள்ளார்.