காதல் ஜோடிகளை தோப்புகரணம் போட வைத்த பெண் எஸ்ஐ

by **நேசமுடன் ஹாசிம்** Thu 1 Dec 2011 - 17:26

உத்தரபிரதேச மாநிலம் காசியாபாத்தில் ஈவ்டீசிங் தடுப்பு நடவடிக்கை என்ற பெயரில் பூங்காக்களில் அமர்ந்திருந்த ஜோடிகளை தோப்புகரணம் போட வைத்த பெண் எஸ்ஐ சஸ்பெண்ட் செய்யப்பட்டுள்ளார்.
உ.பி.மாநிலம் காசியாபாத் காவல் நிலையத்தில் தலைமை காவல் அதிகாரியாக பணியாற்றியவர் அல்கா பாண்டே. இவர் கடந்த திங்கள்கிழமை Ôஆபரேஷன் மஜ்னுÕ என்ற பெயரில் ஈவ்டீசிங்குக்கு எதிராக நடவடிக்கை எடுப்பதற்காக போலீஸ் படையுடன் நகரில் வலம் வந்தார். கண்ணில் பட்ட ஜோடிக்களை பிடித்து விசாரித்தார். பூங்காக்களில் அமர்ந்திருந்த ஜோடிகளை அடித்து விரட்டினார். எதிர்த்து பேசிய ஜோடிகளை பிடித்து தோப்புகரணம் போட வைத்தார். குறிப்பாக ஆண்களை தோப்பு கரணம் போட வைத்தார். இதனை உள்ளுர் டிவிக்கள் பெரிய அளவில் செய்தியாக்கின. ஈவ்டீசிங் தடுப்பு என்ற பெயரில் சாதாரணமாக பேசிக் கொண்டிருந்த ஜோடிகளையும் இழிவாக நடத்திய பெண் எஸ்ஐக்கு எதிராக கண்டனக் குரல்கள் எழுந்தன. இதை தொடர்ந்து நேற்று அல்கா பாண்டே சஸ்பெண்ட் செய்யப்பட்டார். இதற்கான உத்தரவை மாவட்ட எஸ்பி ரகுவீல் லால் பிறப்பித்தார்.