வடக்கில் காணியில்லாதோருக்கு காணிபெற்றுக் கொடுக்கவே காணிப்பதிவு மர்லின் மரிக்கார்

by *சம்ஸ் Fri 2 Dec 2011 - 10:56

வடக்கில் காணியில்லாதோருக்கு காணிபெற்றுக் கொடுக்கவே காணிப்பதிவு
மர்லின் மரிக்கார்
வட பகுதியில் காணி இல்லாத மக்களுக்குக் காணிகளைப் பெற்றுக்கொடுக்கும் நன்னோக்கிலேயே அரசாங்கம் காணிப்பதிவை மேற்கொள்ளுவதாக மீள் குடியேற்றப் பிரதியமைச்சர் விநாயகமூர்த்தி முரளிதரன் நேற்றுத் தெரிவித்தார்.

எதிர்க்கட்சியும், ஓரிரு தமிழ் அரசியல் கட்சிகளும் கூறுவது போல் எதுவிதமான தவறான நோக்கத்தையும் கொண்டு காணிப்பதிவு மேற்கொள் ளப்படவில்லை எனவும் அவர் கூறினார்.

வட பகுதியில் இடம்பெறும் காணிப்பதிவு தொடர்பாக எதிர்க்கட்சியும், ஓரிரு தமிழ் அரசியல் கட்சிகளும் பொய் பிரசாரங்களிலேயே ஈடு பட்டிருப்பதாகவும் அக்கட்சிகளின் கூற்றுகளில் எதுவிதமான உண் மையுமே இல்லை என்றும் அவர் குறிப்பிட்டார். ரனபிம காணி உறுதி வழங்கும் தேசிய வைபவம் ஜனாதிபதி மஹிந்த ராஜபக்ஷ அவர்கள் தலைமையில் அலரிமாளிகையில் நேற்று நடைபெற்றது. இந்நிகழ்வில் உரையாற்றும் போதே பிரதியமைச்சர் முரளிதரன் மேற்கண்டவாறு குறிப்பிட்டார்.

ரன்பிம காணி உறுதி வழங்கும் வைபவம் நேற்று பத்தாவது தடவையாக நடைபெற்றது.

இந்நிகழ்வில் வடக்கு கிழக்கு உட்பட முழுநாட்டிலும் தெரிவு செய்யப்பட்ட 5000 பேருக்கு நேற்று காணி உறுதிகள் வழங்கப்பட்டன.

இந்நிகழ்வில் பிரதியமைச்சர் தொடர்ந்தும் உரையாற்றுகையில், காணி மறசீரமைப்பு ஆணைக்குழு ஊடாகக் கடந்த நான்கு வருட காலப்பகுதியில் 70 ஆயிரம் பேருக்கு ரன்பிம காணி உறுதிகள் வழங்கப்பட்டுள்ளன. மஹிந்த சிந்தனையில் அளிக்கப்பட்டுள்ள உறுதிமொழிக்கு அமைய காணியற்றோருக்கு இவ்வாறு காணிகள் வழங்கப்படுகின்றன.

இத்திட்டத்தின் கீழ் மட்டக்களப்பு மாவட்டத்தில் மாத்திரம் இற்றைவரையும் எழுநூறு பேருக்கு காணி உறுதிகள் வழங்கப்படடுள்ளன. என்றாலும் தொடர்ந்தும் காணியற்றோருக்குக் காணி உறுதிகள் வழங்கப்படும். இதே போல் வட பகுதியில் காணியற்றோருக்கும் காணிகள் பெற்றுக் கொடுக்க நடவடிக்கைகள் எடுக்கப்பட்டுள்ளன.

இச்சந்தர்ப்பத்தில் வடபகுதியில் இடம்பெறும் காணிப்பதிவு குறித்து எதிர்க்கட்சியும், ஓரிரு தமிழ் கட்சிகளும் உண்மைக்குப் புறம்பான பொய் பிரசாரத்தில் ஈடுபட்டுள்ளன. காணியற்றோருக்குக் காணிகளைப் பெற்றுக் கொடுக்கவே இந்நடவடிக்கை எடுக்கப்பட்டிருக்கின்றது. இதனைத்தவிர இக்காணிப்பதிவு விடயத்தில் வேறு பின்நோக்கம் எதுவுமே கிடையாது. அங்கு, வேற்று பிரதேசத்தவர்களைக் குடியேற்றும் எண்ணமும் அரசிடமில்லை. இதனை மக்கள் புரிந்து கொள்ள வேண்டும்.

காணிப்பதிவு குறித்து எதிர்க்கட்சியினதும், ஓரிரு தமிழ் கட்சியினதும் பொய் பிரசாரங்களை நம்பாதீர்கள் என்றும் கேட்டுக்கொண்டார்.

இந்நிகழ்வில் அமைச்சர்கள் மைத்திரிபால சிறிசேன, வாசுதேவ நாணயக்கார, பந்துல குணவர்தன, பிரதியமைச்சர் ஜயரட்ன ஹேரத் உட்பட முக்கியஸ்தர்கள் பலரும் கலந்து கொண்டனர்.