டுவிட்டரில் நபி தொடர்பில் கருத்து வெளியிட்ட சவூதி எழுத்தாளர்: மரண தண்டனை...???

டுவிட்டரில் நபி தொடர்பில் கருத்து வெளியிட்ட சவூதி
எழுத்தாளர்: மரண தண்டனை?








இது தொடர்பில் தெரியவருவதாவது:

ஹம்சா கஷ்காரி (23) என்ற இளம் எழுத்தாளர் நபிகள் நாயகத்தின் பிறந்த
நாளையொட்டி தனது டுவிட்டரில் செய்தியொன்றை வெளியிட்டுள்ளார். இவர் தனது
டுவிட்களை பதிவு செய்து சில மணி நேரத்திலேயே இவரது கருத்துக்கு பலத்த
எதிர்ப்புக் கிளம்பியது.
ஒரு நாளுக்குள் இதற்கு சுமார் 300,000
பின்னூட்டல்கள் கிடைத்தன. இவர் புனித இஸ்லாம் மதத்தினை அவமதித்தாகவும்,
தனது மதத்திற்கே துரோகம் செய்துள்ளதாகவும் இவரின் கருத்துக்கு எதிர்ப்புக்
கிளம்பியது.
இதனையடுத்து உடனே தனது டுவிட்களை அழித்த ஹம்சா கஷ்காரி தன்னை மனிக்குமாறும்
வேண்டுகோள் விடுத்தார். எனினும் இவரது டுவிட் படு வேகமாக இணையத்தில்
பரவத்தொடங்கியது.

இதேநேரம் இணையத்தினை விட வேகமாக செயற்பட்ட சிலர் இவரது வீட்டு
விலாசத்தினை ‘யூடியூப்பில்’ காணொளி வடிவில் பதிவேற்றி விட்டனர். இதனால்
இவரது நிலைமை மேலும் மோசமாகியது.

இவருக்குக் கட்டாயம் மரண தண்டனை வழங்கும்படி அந்நாட்டு மன்னருக்கு
வேண்டுகோள் விடுத்துள்ளனர் அடிப்படைவாதிகள் சிலர்.

இந்நிலையில் அந்நாட்டு மன்னர் கஷ்காரியை கைது செய்யும்படி
உத்தரவிட்டுள்ளார். இதையடுத்து ஹம்சா தற்போது தென்கிழக்காசிய நாடொன்றிற்கு
தப்பிச் சென்றுள்ளதாகத் தகவல்கள் வெளியாகியுள்ளன.

மேலும் இவரின் ஆக்கங்கள் மற்றும் கட்டுரைகளை எந்தப் பத்திரிகைகளிலும்
பிரசுரிக்கக் கூடாது என உயர்மட்டத்தினால் உத்தரவு
பிறப்பிக்கப்பட்டுள்ளதாகவும் தெரிவிக்கப்படுகின்றது.

தற்போது இவ்விடயம் இணைய உலகில் காட்டுத் தீ போல பரவி வருகின்றது.

நெதர்லாந்துப் பத்திரிகையொன்று கடந்த 2005 ஆம் ஆண்டு நபிகள் நாயகத்தின்
புகைப்படத்தினை வெளியிட்டபோது எவ்வாறான எதிர்ப்புக் கிளம்பியதோ அத்தகையதோர்
எதிர்ப்பலையே இன்று அங்கு ஏற்பட்டுள்ளதாக சுட்டிக்காட்டப்படுகின்றது.

சவூதியில் இதற்குமுன்னரும் இத்தகைய செய்திகள் பத்திரிகைகளில்
வெளியாகியுள்ள போதிலும் அவை இந்தளவு தூரத்திற்கு வேகமாகப்
பரவவில்லையென்பதுடன் சர்ச்சையையும் கிளப்பவில்லை.

ஆனால் சமூக வலையமைப்புகளின் விஸ்தீரணம் நாளுக்கு நாள் அதிகரித்து
வருவதனால் செய்திகள் சென்றடையும் வேகம் மிக அதிகமாக உள்ளது.

சமூக வலையமைப்புகளே மத்திய கிழக்கில் அண்மைக்காலமாக ஏற்பட்ட புரட்சிக்கு
வழிவகுத்தன.

இன்று ஹம்சா நாட்டை விட்டுத் தப்பியோடவும் இதுவே காரணமாகவுள்ளது.

எனவே சமூக இணையத்தளங்களில் பகிரும் செய்திகள் தொடர்பில் அவதானமாக
இருப்பது அனைவருக்கும் நல்லது.

சமூக இணையத்தளங்களில் பகிரும் செய்திகள் தொடர்பில் அவதானமாக
இருப்பது அனைவருக்கும் நல்லது.




பகிர்வுக்கு நன்றி .

தகவலுக்கு நன்றி முப்தாக் நாமும் கவனமாக பதிவுகள் இட வேண்டும்