வடக்கு, கிழக்கில் நெல் அறுவடையில் ஈடுபட இந்திய பிரஜைகளுக்கு அனுமதி

வடக்கு, கிழக்கில் நெல் அறுவடையில் ஈடுபட இந்திய பிரஜைகளுக்கு அனுமதி



3 மாத கால
விசா வழங்க
அரசு முடிவு
வடக்கு, கிழக்கில் உள்ள நெற்காணி களில் அறுவடை செய்வதற்கு ஆளணிப் பற்றாக்குறை
இருந்து வருவதனால் இந்தியப் பிரஜைகள் இங்கு வந்து அறுவடைப் பணிகளை மேற்கொள்வதற்கு
அரசாங்கம் 3 மாத கால விசா வழங்க இருப்பதாக கமநல சேவை அமைச்சர் யாப்பா அபயவர்தன
தெரிவித்தார்.
இலங்கையர் இன்று மேற்காசிய நாடுகளுக்கும் சிங்கப்பூர், தென்கொரியா, இத்தாலி போன்ற
நாடுகளுக்கும் வேலை வாய்ப்பை தேடி செல்வதனால் எமது நெற்காணிகளில் அறுவடை செய்யும்
பணியை மேற்கொள்வதற்கு ஆளணிப் பற்றாக்குறை நிலவி வருகின்றது.
இதனால், அரசாங்கம் இந்தியப் பிரஜைகளுக்கு 3 மாத கால உல்லாசப் பயணிகளுக்கான விசாவை
வழங்க இலங்கையின் வடக்கு, கிழக்கு மாகாணங்களில் உள்ள நெற்காணிகளில் பணியாற்றுவதற்கு
அனுமதி அளித்துள்ளது.
இதேவேளை, அம்பாறை, மட்டக்களப்பு, கிளிநொச்சி, பொலன்னறுவை, திருகோண மலை, வவுனியா
மாவட்டங்களைச் சேர்ந்த விவசாயிகள் தென்னிந்தியாவில் இருந்து தொழிலாளர்களை இங்கு
அழைத்து வந்து நெற்காணிகளில் வேலை செய்ய அனுமதிப்பது தங்களுக்கு பொருளாதார ரீதியில்
இலாபகரமாக அமையும் என்றும் எனவே, அது குறித்து அரசாங்கம் சாதகமான முடிவை எடுக்க
வேண்டும் என்றும் கேட்டுள்ளார்கள்.
தற்போது இலங்கையில் சுனாமி என்று அழைக்கப்படும் அறுவடை இயந்திரத்தை இயக்குவதற்கு
ஆட்களுக்குத் தட்டுப்பாடு இருப்பதனால் இந்தியர்களை இப்பணிகளுக்காக வரவழைப்பது
அவசியம் என்ற கருத்து வலியுறுத்தப்படுகின்றது. ஆனால், இவ்வியந்திரத்தை இயக்குவதில்
இந்தியத் தொழிலாளிகள் வல்லவர்கள் என்ற காரணத்தினால்தான் அவர்களிடம் இப்பணி
பெரும்பாலும் ஒப்படைக்கப்படுகின்றது.
இதேவேளையில், இந்தியா, சீனா மற்றும் மாலைதீவு நிர்மாணக் கம்பனிகள் குறைந்த வேதனத்தை
உடைய இந்தியத் தொழிலாளர்களை பெருமளவில் இலங்கைக்கு அழைத்து வந்து தங்கள் கட்டடப்
பணிகளில் வேலை செய்ய வைப்பது குறிப்பிடத்தக்கது.
கமநல சேவை அமைச்சின் செயலாளர் டபிள்யூ. சகலசூரிய இங்கு வந்து பணிபுரியும் இந்தியத்
தொழிலாளர்கள் குறைந்த வேதனத்தைப் பெற்றாலும் கூடிய வேலைப் பளுவை மேற்
கொள்கின்றார்கள்.