அமெரிக்கா: சாலை விபத்தில் பெற்றோர் இறந்த பின்னர் பிறந்த குழந்தை

by *சம்ஸ் Mon 4 Mar 2013 - 7:36

பிரசவத்திற்காக காரில் சென்ற தாயுடன் தந்தையும் சாலை விபத்தில் மரணமடைந்தத பின்னர் பிறந்த ஆண் குழந்தை அனைவரையும் ஆச்சரியத்தில் ஆழ்த்தியுள்ளது.

அமெரிக்காவின் புரூக்ளின் நகரில் வாழும் 21 வயது இளம்தம்பதியர், தங்களின் தலைமகன் பிறக்கப்போகும் நந்நாளை எதிர்பார்த்து ஆவலோடு காத்திருந்தனர். தாய்மையடைந்த பெண்ணிற்கு பிரசவ வலி எடுக்கவே ஒரு டாக்சியில் அவரை ஏற்றிக்கொண்ட கணவர், புரூக்ளினில் உள்ள ஆஸ்பத்திரியை நெருங்கிக்கொண்டிருந்தார். அப்போது, எமன் வடிவில் எதிர் திசையில் வந்த கார் மோதியதில் டாக்சி அப்பளமாக நொறுங்கியது.

தகவல் அறிந்து விரைந்து வந்த போலீசார் தம்பதியரையும், டாக்சி டிரைவரையும் ஆஸ்பத்திரியில் அனுமதித்தனர். வரும் வழியிலேயே தம்பதியரின் உயிர் பிரிந்துவிட்டதாக கூறிய டாக்டர்கள், அந்த பெண்ணின் வயிற்றில் ஆபரேஷன் செய்து உள்ளேயிருந்த அழகான ஆண் குழந்தையை வெளியே எடுத்தனர்.

குழந்தை நல்ல ஆரோக்கியத்துடன் இருப்பதாகவும், கதகதப்பிற்காக இன்குபேட்டரில் வைத்து பராமரித்து வருவதாகவும் ஆஸ்பத்திரி நிர்வாகம் தெரிவித்துள்ளது. விபத்தில் படுகாயமடைந்த டாக்சி டரைவருக்கு தீவிர சிகிச்சை அளிக்கப்பட்டு வருகிறது.

டாக்சி மீது மோதிய காரின் டிரைவரை போலீசார் தேடி வருகின்றனர்.