மீண்டும் அணுகுண்டு சோதனை: வடகொரியாவுக்கு அமெரிக்கா கடும் எச்சரிக்கை

வாஷிங்டன், ஏப்.9-

கடந்த பிப்ரவரி 12-ந் தேதி வடகொரியா 3-வது முறையாக அணுகுண்டு சோதனை நடத்தியது. இதனால் கொரிய தீபகற்பத்தில் பதட்டம் ஏற்பட்டது. அதை தொடர்ந்து ஐ.நா. மற்றும் அமெரிக்காவும் வடகொரியா மீது பொருளாதார தடை விதித்தது.

இதனால் ஆத்திரம் அடைந்த வடகொரியா அமெரிக்கா மற்றும் தென்கொரியா மீது போர் பிரகடனம் செய்தது. இதையடுத்து தென்கொரியா மற்றும் அமெரிக்க ராணுவங்கள் இணைந்து போர் பயிற்சி மேற்கொண்டதால் அப்பகுதியில் போர் பதட்டம் ஏற்பட்டுள்ளது.

இதை தடுக்க சீனா, ரஷியா உள்ளிட்ட நாடுகள் தீவிர முயற்சி மேற்கொண்டுள்ளன. இந்த நிலையில், வடகொரியா 4-வது தடவையாக அணுகுண்டு சோதனை நடத்த இருப்பதாக செய்திகள் வெளியாகி உள்ளன.

தென்கொரியா ஒருமைப்பாடு மந்திரி ரியோ கில்-ஜா தெரிவித்தார். இதை ராணுவ மந்திரி மறுத்தார். இதற்கிடையே, வடகொரியா நடத்த இருக்கும் 4-வது அணுகுண்டு சோதனைக்கு அமெரிக்கா கடும் கண்டனமும், எச்சரிக்கையும் விடுத்துள்ளது.

இதுகுறித்து, அமெரிக்க செய்தி தொடர்பாளர் பாட்ரிக் வென்ட் ரெல் நிருபர்களிடம் கூறியதாவது:-

எந்தவிதமான அணுகுண்டு சோதனையோ அல்லது ஏவுகணை சோதனையோ நடத்தக்கூடாது என ஐ.நா.பாதுகாப்பு கவுன்சில் தீர்மானம் நிறைவேற்றியுள்ளது. ஆனால், இதுபோன்ற சோதனைகள் நடத்துவதன் மூலம் இது ஐ.நா. தீர்மானத்தை நேரடியாக மீறுவதாக உள்ளது. இந்த நடவடிக்கையை அமெரிக்கா கடுமையாக எதிர்க்கிறது என்றார்.

வடகொரியா மீண்டும் அணுகுண்டு சோதனையோ, ஏவுகணை சோதனையோ நடத்தினால் அமெரிக்கா மேற்கொள்ள இருக்கும் நடவடிக்கை குறித்து கூற மறுத்து விட்டார்.

மாலைமலர்

அமெரிக்காவை முடிந்தால் வீழ்த்துங்கள் அப்பதான் அவர்கள் அடங்குவார்கள் :,