இலங்கையில் புத்தாண்டு கொண்டாட்டங்கள் - மோதல்கள் - விபத்துக்கள் - மரணங்கள்:-

புத்தாண்டு கொண்டாட்டங்களின் போது ஏற்பட்ட மோதலில் இருவர் பலி

புத்தாண்டு கொண்டாட்டங்களின் போது ஏற்பட்ட மோதலில் இரண்டு பேர் கொல்லப்பட்டுள்ளனர்.

எம்பிலிட்டிய பனாமுர பிரதேசத்தில் இந்த சம்பவம் இடம்பெற்றுள்ளது.

இருவருக்கு இடையிலான வாய்த்தர்க்கமே இவ்வாறு பாரிய மோதலாக வெடித்தது எனத் தெரிவிக்கப்படுகிறது.

சம்பவத்தில் மோதலில் ஈடுபட்ட ஒருவர் கொல்லப்பட்டதாகவும், மோதலை தடுக்கச் சென்ற ஒருவரும் படுகாயமடைந்து பின்னர் வைத்தியசாலையில் வைத்து உயிரிழந்ததாகவும் குறிப்பிடப்படுகிறது.

சம்பவத்துடன் தொடர்புடைய சந்தேக நபரை காவல்துறையினர் கைது செய்துள்ளனர்.

சம்பவம் தொடர்பான விசாரணைகள் ஆரம்பிக்கப்பட்டுள்ளதாகத் தெரிவிக்கப்படுகிறது.

பண்டிகைக் கால விபத்துக்களின் எண்ணிக்கை உயர்வு

இம்முறை பண்டிகைக்கால விபத்துக்களின் எண்ணிக்கை உயர்வடைந்துள்ளது.

கடந்த 24 மணித்தியாலத்தில் 250 பேர் கொழும்பு தேசிய வைத்தியசாலையில் சிகிச்சை பெற்றுக் கொண்டுள்ளனர்.

இவர்களில் 130 பேர் வைத்தியசாலையில் தங்கியிருந்து சிகிச்சை பெற்று வருவதாக கொழும்பு தேசிய வைத்தியசாலையின் அவசர சிகிச்சைப் பிரிவு அறிவித்துள்ளது.

வீட்டு வன்முறைகள், பட்டாசு வெடி விபத்து, வாகன விபத்து போன்ற காரணிகளினால் அதிகளவானோர் விபத்துக்குள்ளாகியுள்ளனர்.

திஸ்ஸமஹராம பிரதேசத்தில் இடம்பெற்ற துப்பாக்கிச் சூட்டு சம்பவத்தில்ழ 3 பேர் காயமடைந்துள்ளர்

திஸ்ஸமஹராம, கங்கசிறிபுற பிரதேசத்தில் இடம்பெற்ற துப்பாக்கிப் பிரயோக சம்பவம் ஒன்றில் மூவர் காயமடைந்துள்ளனர்.

இந்த சம்பவத்தில் ஒரே குடும்பத்தை சேர்ந்த தந்தை, மகன் மற்றும் மகள் ஆகியோரே இவ்வாறு காயமடைந்துள்ளனர்.

காயமடைந்தவர்களில் ஒருவர் கராபிடிய வைத்தியசாலையிலும் ஏனைய இருவரும் ஹம்பாந்தோட்டை வைத்தியசாலையிலும் அனுமதிக்கப்பட்டுள்ளனர்.

புத்தாண்டை முன்னி;ட்டு பட்டாசு வெடித்ததனால் ஏற்பட்ட மோதலே குறித்த மூவரும் காயமடையக் காரணம் எனத் தெரிவிக்கப்படுகிறது.

சம்பவத்தில் காயமடைந்த மகளின் நிலைமை ஆபத்தாகக் காணப்படுவதாகவும் மேலதிக சிகிச்சைக்காக கராபிட்டிய போதனா வைத்தியசாலைக்கு அனுப்பி வைக்கப்பட்டுள்ளதாகவும் குறிப்பிடப்படுகிறது.

சந்தோசமாக கொண்டாட வேண்டிய நிகழ்வை இப்படி மாற்றி விட்டார்களே `#