தமிழ்நாட்டில் சில இடங்களில் இன்றும் மழை பெய்யும்: வானிலை மையம் அறிவிப்பு

சென்னை, ஏப்.25-

தமிழ்நாட்டில் கடந்த 2 வாரங்களாக கடும் வெயில் இருந்து வந்தது. இந்த நிலையில் கடந்த 2 நாட்களாக வெப்ப சலனம் காரணமாக தமிழ்நாட்டில் சில இடங்களில் மழை பெய்துவருகிறது.

நேற்று காலை 9 மணி முதல் 10 மணிவரை சென்னையில் நுங்கம்பாக்கம், எழும்பூர், வேப்பேரி, புரசைவாக்கம், பெரம்பூர், வியாசர்பாடி, மூலக்கடை, எம்.ஆர்.நகர், பாரதி நகர், தாம்பரம், சேலையூர், குரோம்பேட்டை, பல்லாவரம், கோடம்பாக்கம், சைதாப்பேட்டை, அடையாறு உள்ளிட்ட இடங்களிலும், சென்னையின் சுற்றுப்புறங்களிலும் லேசானது முதல் பலத்த மழைவரை பெய்தது.

இது குறித்து சென்னை வானிலை மைய அதிகாரி கூறுகையில் வெப்ப சலனம் காரணமாக தமிழ்நாட்டிலும், புதுச்சேரியிலும் இன்று (வியாழக்கிழமை) சில இடங்களில் மழைபெய்யும் என்று தெரிவித்தார்.

நேற்று காலை 8-30 மணியுடன் முடிவடைந்த 24 மணிநேர மழை அளவு வருமாறு:-

வால்பாறை 7 செ.மீ., பொள்ளாச்சி 4 செ.மீ., கரூர், தளி, பாண்டவராயர் தலை தலா 3 செ.மீ., தாளவாடி 2 செ.மீ, ஆம்பூர், நன்னிலம், தேன்கனிக்கோட்டை, ராயக்கோட்டை, ஊட்டி, தேவலா தலா 1 செ.மீ. மழை பெய்துள்ளது.

மாலைமலர்.