இந்தி நடிகர் பிரான் வீடு தேடிச் சென்ற பால்கே விருது: மத்திய மந்திரி மணிஷ் திவாரி நேரில் வழங்கினார்

மும்பை, மே 12-

மிலன், மதுமதி, காஷ்மீர் கி காலி, ஜன்ஜீர், உப்கார் உள்ளிட்ட நூற்றுக்கணக்கான இந்தி படங்களில் வில்லனாக நடித்து புகழ்பெற்றவர், நடிகர் பிரான் (93).

திரையுலகில் இவர் புரிந்த சாதனையை பாராட்டி இந்த ஆண்டிற்கான தேசிய திரைப்பட விருது பட்டியலில் பிரானிற்கு தாதா சாகிப் பால்கே விருது அறிவிக்கப்பட்டது.

புதுடெல்லியில் கடந்த 3ம் தேதி நடைபெற்ற தேசிய திரைப்பட விருது வழங்கும் விழாவில், முதுமை மற்றும் உடல்நலக் குறைவு காரணமாக பிரான் பங்கேற்கவில்லை. அவரது சார்பில் மற்றவர்களிடம் இந்த விருதினை வழங்க மரபுகள் அனுமதிக்கவில்லை.

இந்நிலையில், கடந்த 10ம் தேதி மும்பையில் உள்ள நடிகர் பிரானின் வீட்டிற்கு சென்ற மத்திய தகவல் மற்றும் ஒலிபரப்பு துறை மந்திரி மணிஷ் திவாரி, தாதா சாகிப் பால்கே விருது எனப்படும் தங்கத் தாமரை, பாராட்டுப் பத்திரம், சால்வை, ரொக்கப்பணம் ரூ.10 லட்சம் ஆகியவற்றை பிரானிடம் வழங்கினார்.

ஒரு கலைஞரின் வீட்டிற்கு மத்திய மந்திரி நேரில் சென்று தாதா சாகிப் பால்கே விருதினை வழங்கியது இதுதான் முதல்முறை என்பது குறிப்பிடத்தக்கது.

'இந்திய சினிமாவின் நூற்றாண்டு விழா கொண்டாடப்படும் வேளையில் திரு.பிரானின் வீட்டிற்கு நேரில் வந்து இந்த விருதை வழங்கும் வாய்ப்பினை எனக்கு கிடைத்த கவுரவமாக கருதுகிறேன்' என்று மணிஷ் திவாரி கூறினார்.

மாலைமலர்

வாழ்த்துக்கள் இருவருக்கும்

-
பிரான் ஹீரோவாக நடித்ததைவிட வில்லன் வேடங்களில்
அசத்தி இருப்பார்.

வில்லன் கதாபாத்திரம் தவிர குணசித்திர கதாபாத்திரங்களிலும்
நடித்துள்ளார்.

1960களில் இருந்து 80கள் வரை ரிலீஸான கிட்டத்தட்ட அனைத்து
பாலிவுட் படங்களிலும் பிரான் நடித்துள்ளார்.

சில ஆண்டுகளாக ஹீரோ, ஹீரோயினைவிட அவர் அதிக சம்பளம்
வாங்கியவர் என்பது குறிப்பிடத்தக்கது.

rammalar wrote:-
பிரான் ஹீரோவாக நடித்ததைவிட வில்லன் வேடங்களில்
அசத்தி இருப்பார்.

வில்லன் கதாபாத்திரம் தவிர குணசித்திர கதாபாத்திரங்களிலும்
நடித்துள்ளார்.

1960களில் இருந்து 80கள் வரை ரிலீஸான கிட்டத்தட்ட அனைத்து
பாலிவுட் படங்களிலும் பிரான் நடித்துள்ளார்.

சில ஆண்டுகளாக ஹீரோ, ஹீரோயினைவிட அவர் அதிக சம்பளம்
வாங்கியவர் என்பது குறிப்பிடத்தக்கது.

தகவலுக்கு நன்றி

வாழ்த்துக்கள் :#

:# :#