பிரிட்டனின் பிரதான முகாம் ஆப்கானிடம் கையளிப்பு

பிரிட்டனின் பிரதான முகாம் ஆப்கானிடம் கையளிப்பு

ஆப்கானிஸ்தானில் இருக்கும் பிரிட்டனின் கடைசி இராணுவத் தளமும் அந்நாட்டு பாது காப்பு படையினரிடம் கையளிக்கப்பட்டுள்ளது.
ஆப்கானில் இருக்கும் பிரிட்டனின் பிரதான இராணுவ தளமான பஸ்டியன் படை முகாமி லிருந்து பிரிட்டன் ஒன்றிய கொடி நேற்று இறக் கப்பட்டது. அதேபோன்று அமெரிக்க தளத்துடன் இணைந்து செயற்பட்ட லீதர்நெக் படைமுகாம் ஆப்கானிடம் கையளிக்கப்பட்டது.
கடந்த 2001 ஆம் ஆண்டு தொடக்கம் ஆப் கானில் நிலைகொண்டிருக்கும் பிரிட்டன் துருப் புகளின் ஹெல்மன்ட் மாகாண பஸ்டியன் படை முகாம் கடந்த 2006 ஆம் ஆண்டு நிறுப்பட்டது. ஆப்கான் யுத்தத்தில் இதுவரை 453 பிரிட்டன் படையினர் கொல்லப்பட்டுள்ளனர்.
ஹெல்மன்ட் மாகாண கட்டளைத் தளத்தை பிரிட்டன் கடந்த ஏப்ரலில் அமெரிக்க படையிடம் கையளித்ததோடு இராணுவ தளபாடங்கள் மற் றும் உபகரணங்கள் அண்மைய மாதங்களில் நாட்டுக்கு திருப்பியனுப்பப்பட்டு வருகின்றன.
ஆப்கான் யுத்தம் உச்ச கட்டத்தில் இருந்த 2009 காலப்பகுதியில் பஸ்டியன் படை முகாமில் சுமார் 10,000 பிரிட்டன் துருப்புகள் நிலை கொண்டிருந்தன.


தினகரன்