மனசின் பக்கம் : கொஞ்சமல்ல நிறைய பிஸி...

by **சே.குமார்** Fri 20 Mar 2015 - 14:00

அலைனில் இருந்து இங்கு வந்த பிறகு அலுவலகத்தில் வேலை அதிகம். மாலை 5 மணி வரைக்கும் கணிப்பொறியோடு மல்லுக்கட்டி விட்டு வீட்டுக்குத் திரும்பினால் மூளைச் சோர்வு வந்துவிடுகிறது. அதுபோக ஒரு மாத சுற்றுலா விசாவில் குடும்பத்தை இங்கு கொண்டு வர இருப்பதால் வீடு தேடி அலைவதும் சேர்ந்து கொள்ள, வலைப்பக்க வரவு குறைந்து விட்டது. அப்பப்ப நேரம் கிடைக்கும் போது கொஞ்சம் வாசிக்கிறேன்... சிலருக்கு கருத்து இடுகிறேன். இனி வரும் மாதங்களிலும் மனசு காத்தாடத்தான் செய்யும் என்பதை இங்கு சொல்லிக் கொள்கிறேன்... காரணம்... ஏப்ரலில் குடும்ப வரவும்... மே மாத விடுமுறையில் ஊருக்கும் என கொஞ்சம் பிஸியாக இருக்கப் போவதால் அவ்வப்போது தலைகாட்டுவேன்... மறந்துடாதீங்க மக்களே.

----------------------

வீடு தேடி அலைந்தது மறக்க முடியாத அனுபவம்... பேச்சிலர் அறைகூட கிடைத்து விடும் போல... பேமிலி அறை தேடுவதென்பது மிகவும் கடினம் என்பதை உணர வைத்தது கடந்த பத்து நாட்கள்.... தினமும் அலைச்சல்... ஒரு மாதத்திற்கு மட்டும் என்றால் எவனுமே கொடுக்க நினைப்பதில்லை. சரி ஏஜெண்ட் மூலமாக பார்க்கலாம் என்று நினைத்து மலையாளிகளுடன் நடந்தால் அவனுக காட்டுற இடத்தில் நானே தங்க மாட்டேன்... அதிலும் குடும்பத்துக்கு அப்படி இடமா... காசைக் கொடுத்தும் நிம்மதியில்லாத... தங்க முடியாத இடங்கள் தேவையா என அவர்களையும் விட்டு ஒதுங்கியாச்சு.... அவனுக்கு கமிஷன் என்பதால் இது நல்ல இடம் இதைவிட வேறென்ன வேண்டும் என்று நம்மைக் கவிழ்க்கப் பார்க்கிறான். எங்களுக்குப் பிடித்தால்தான் இது நல்ல இடம்... இல்லைன்னா இல்லை என்று சொல்லிவிட்டோம்.

பின்னர் அப்படி இப்படி அலைந்து நாங்கள் தங்கியிருக்கும் கட்டிடத்தில் இருந்து இரண்டு மூன்று கட்டிடங்கள் தள்ளி ஒரு ஆள் மூலமாக கொஞ்சம் கூடுதல் வாடகை என்றாலும் பரவாயில்லை என பிடித்து விட்டோம். இப்போத்தான் கொஞ்சம் நிம்மதி. அபுதாபிக்கு வந்ததில் இருந்து நான் இப்போது வீடு தேடி அலைந்த போது பார்த்த மிக மோசமான இடங்களில் தங்கவில்லை என்பதாலும்... கட்டிடங்களும் சுத்தமான கட்டிடங்கள் என்பதாலும் அந்த இடங்களைப் பார்த்ததும் அங்கு நிற்கக்கூட பிடிக்கவில்லை. அதிலும் அவ்வளவு வாடகை கொடுத்து குடும்பங்களைத் தங்க வைத்திருக்கிறார்கள் என்பது வேதனையான விஷயந்தான்.

--------------------

பாக்யா இதழின் வரும் வார மக்கள் மனசு பகுதியில் எனது கருத்தும் வந்துள்ளது. நம்ம எழுதும் கருத்து நல்லாயிருக்குன்னு தொடர்ந்து பகிர்ந்து வரும் திரு.எஸ்.எஸ்.பூங்கதிர் சாருக்கு நன்றி. மேலும் சகோதரர் தளிர் சுரேஷ் அவர்களின் கருத்தும் தொடர்ந்து வெளிவருகிறது அவருக்கும் வாழ்த்துக்கள்.

மனசின் பக்கம் : கொஞ்சமல்ல நிறைய பிஸி... Bahya4

------------------------------

உலகக் கோப்பையில் இந்திய அணியின் வெற்றிப் பயணம் தொடர்ந்து கோப்பையை தக்க வைத்துக் கொள்ள வாழ்த்துவோம். அரையிறுதியில் மீண்டும் இந்திய பாகிஸ்தான் அணிகள் மோதுவதைப் பார்க்கலாம் என்ற கனவு நனவாகிப் போனது. ஆம் இந்திய அணி அரையிறுதியில் ஆஸ்திரேலியாவை சந்திக்கிறது.

மனசின் பக்கம் : கொஞ்சமல்ல நிறைய பிஸி... Wc_dhonitf

-'பரிவை' சே.குமார்.

by **Nisha** Fri 20 Mar 2015 - 14:08

குடும்பத்துடன் கழிக்கபோகும் பொன்னான நிமிடங்களுக்காக இப்பவே நேரத்தினை சேமித்து வைக்க போகின்றீர்களா குமார்? அவர்கள் பயணமும் உங்கள் பயணமும் பாதுகாப்பாய் மகிழ்ச்சியோடு அமைய வாழ்த்துகள்!

வீடு தேடுவது என்பது எங்குமே பெரிய பிரச்சனை தான் அல்லவா? அதிலும் குறுகிய நாட்களுக்கு எனும் போது இன்னும் கஷ்டம் தான். எப்படியோ ஓரிடம் கிடைத்ததே.. கடவுளுக்கு நன்றி!

பாக்யாவில் தொடர்ந்தும் கருத்துக்கள் வருவதில் உங்களை போலவே எங்களுக்கும் மகிழ்ச்சி தான்..!

மறக்க மாட்டோம் என்றெல்லாம் உத்தரவாதம் தரமுடியாதுப்பா சிரி

.. அதனால்என்ன வேலை எனினும் இயன்ற பொழுதில் எட்டிப்பார்த்து சுக நலன் சொல்லி விட்டாவது செல்லுங்கள்.

கிரிகெட்டும் சினிமாவும் நமக்கு இன்ரஸ்ட் இல்லாத விடயங்கள் என்பதால் அது குறித்து நோ காமென்ஸ். ஒன்னும் புரியல

by **சே.குமார்** Sat 21 Mar 2015 - 20:58

Nisha wrote:குடும்பத்துடன் கழிக்கபோகும் பொன்னான நிமிடங்களுக்காக இப்பவே நேரத்தினை சேமித்து வைக்க போகின்றீர்களா குமார்? அவர்கள் பயணமும் உங்கள் பயணமும் பாதுகாப்பாய் மகிழ்ச்சியோடு அமைய வாழ்த்துகள்!

வீடு தேடுவது என்பது எங்குமே பெரிய பிரச்சனை தான் அல்லவா? அதிலும் குறுகிய நாட்களுக்கு எனும் போது இன்னும் கஷ்டம் தான். எப்படியோ ஓரிடம் கிடைத்ததே.. கடவுளுக்கு நன்றி!

பாக்யாவில் தொடர்ந்தும் கருத்துக்கள் வருவதில் உங்களை போலவே எங்களுக்கும் மகிழ்ச்சி தான்..!

மறக்க மாட்டோம் என்றெல்லாம் உத்தரவாதம் தரமுடியாதுப்பா .. அதனால்என்ன வேலை எனினும் இயன்ற பொழுதில் எட்டிப்பார்த்து சுக நலன் சொல்லி விட்டாவது செல்லுங்கள்.

கிரிகெட்டும் சினிமாவும் நமக்கு இன்ரஸ்ட் இல்லாத விடயங்கள் என்பதால் அது குறித்து நோ காமென்ஸ்.

வாங்க அக்கா...
நீண்ட கருத்து...
கண்டிப்பாக தொடர்ந்து வருகிறேன்...
நன்றி.

by Sponsored content

மனசின் பக்கம் : கொஞ்சமல்ல நிறைய பிஸி...

மனசின் பக்கம் : கொஞ்சமல்ல நிறைய பிஸி...

Re: மனசின் பக்கம் : கொஞ்சமல்ல நிறைய பிஸி...

Re: மனசின் பக்கம் : கொஞ்சமல்ல நிறைய பிஸி...

Re: மனசின் பக்கம் : கொஞ்சமல்ல நிறைய பிஸி...