கோ படத்தை விமர்சித்தாரா சிம்பு ஜீவா பதில்

by **sadir** Wed 27 Apr 2011 - 12:43

ஜீவா நடித்த கோ படம் குறித்து நடிகர் சிம்பு பரபரப்பு கருத்து தெரிவித்துள்ளார்.
கோ படத்தில் முதலில் நடிக்க இருந்தவர் நடிகர் சிம்புதான். கே.வி.ஆனந்துடனான கருத்து மோதல் தொடர்பாக படத்தில் இருந்த தூக்கப்பட்டார் சிம்பு.

அதற்குப் பிறகுதான் ஜீவா ஒப்பந்தமானார். திட்டமிட்டபடியே படத்தை எடுத்து முடித்து, திரையிட்டு, பத்திரிகைகளின் ஒட்டுமொத்த பாட்டுக்களுடன் வெற்றிநடை போட்டுக் கொண்டிருக்கிறது கோ.

படம் எதிர்பார்த்த அளவுக்கு வசூல் அள்ளிக் கொண்டிருக்கும் நிலையில், இந்த படத்தில் நடிக்கும் அரிய வாய்ப்பை சிம்பு கைநழுவ விட்டுவிட்டார் என்று ஒரு தரப்பும், சிம்பு தப்பித்துக் கொண்டார் என்று இன்னொருதரப்புமாக விவாதம் நடத்தி கொண்டிருக்கிறது.

சமூக வலைதளங்களில் நடைபெற்றுக் கொண்டிருக்கும் இந்த கருத்து மோதல் சிம்புவை ரொம்பவே பாதித்திருக்கிறதாம். காரணம் சிம்புவின் சமூக ‌வலைதளத்திலும் ரசிகர்கள் சூடான விவாதத்தை நடத்திக் கொண்டிருக்கி்றார்கள்.

கோ படம் குறித்து அவர் அளித்துள்ள பேட்டியில், ஒரு படத்தில் நடிப்பதும் நடிக்காமல் போவதும் அந்த நடிகனின் விருப்பம். அதுகுறித்த ரசிகர்களின் கருத்துக்களை நான் வரவேற்கிறேன்.

ஆனால் அது மற்ற நடிகர்களைப் புண்படுத்தும் அளவுக்கு இருக்க வேண்டாம். கோ படத்தை யாரும் தவறாக விமர்சிக்க வேண்டாம். நானும் இந்த துறையில்தான் இருக்கிறேன். எனவே இந்த விவாதத்தை இதோடு நிறுத்திக் கொள்ளுங்கள்.

வருகிற 29ம்திகதி வானம் வெளிவருகிறது. அதை வெற்றி பெற செய்யுங்கள் என கேட்டுக் கொள்கிறேன் என்று கூறியுள்ளார். இதற்கிடையில் நடிகர் ஜீவா அளித்துள்ள பேட்டியில், கோ படத்தை சிம்பு திட்டினரா என்பது எனக்கு தெரியாது. நான் அது என்ன விவகாரம் என்று தெரிந்து கொள்ள விரும்பவில்லை என்று கூறியிருக்கிறார்.