ஜமா பள்ளிவாசல்

ஜமா பள்ளிவாசல்
ஜமா பள்ளிவாசல் இந்தியாவின் மிகப் பெரிய பள்ளிவாசலாகும். 5 ஆவது மொகலாய மன்னர் சாஜஹானினால் கி. பி. 1628 ஆம் ஆண்டு இந்த பள்ளிவாசல் கட்டி முடிக்கப்பட்டது. டெல்லியின் சவுரி பஸார் வீதியில் இந்த பள்ளிவாசல் அமைந்துள்ளது. தாஜ்மஹாலை கட்டிய ஷாஜஹான் பல பள்ளிவாசல்களையும் அமைத்துள்ளார்.

அதில் அவர் அமைத்த மிகப்பெரிய பள்ளிவாசல் இதுதான். இந்த பள்ளிவாசலை 5000 தொழிலாளர்கள் 7 ஆண்டுகளில் கட்டி முடித்ததாக வரலாறு குறிப்பிடுகிறது.

அக்காலத்தின் கணக்கெடுப்பின் படி இந்த பள்ளிவாசலை கட்டி முடிக்க சுமார் ஒரு மில்லியன் ரூபா அளவில் செலவானதாக கூறப்படுகிறது.

மூன்று பிரதான வாயில்கள் நான்கு தூண்கள் மற்றும் 40 மீற்றர் உயரமான இரண்டு மினாரத்களுடன் இந்த பள்ளிவாசல் அமைக்கப்பட்டுள்ளது. இந்த பள்ளிவாசலில் ஒரே நேரத்தில் 85 ஆயிரம் பேருக்கு தொழுகை நடத்த முடியும் என்பது குறிப்பிடத்தக்கது.

எனினும் இந்த பள்ளிவாசலில் கடந்த 2006 ஆம் ஆண்டு இரண்டு குண்டு வெடிப்பு சம்பவங்கள் இடம்பெற்றன. இதில் 13 பேரளவில் காயமடைந்தனர். எவ்வாறாயினும் பள்ளிவாசலுக்கு எந்த சேதமும் ஏற்படவில்லை.