எய்ட்ஸ் பாதித்த“குழந்தைகளை மீண்டும் பள்ளியில் சேர்க்க வேண்டும்”: ஐகோர்ட்டு உத்தரவு

by **நண்பன்** Wed 17 Aug 2011 - 11:10

பிந்திய செய்தி

செங்கல்பட்டை சேர்ந்தவர் முருகன் (பெயர் மாற்றப்பட்டுள்ளது) எய்ட்ஸ்
நோயால் பாதிக்கப்பட்ட இவர் சென்னை ஐகோர்ட்டில் பொதுநல மனுதாக்கல் செய்தார்.
அதில் கூறி இருப்பதாவது:-

காஞ்சீபுரம் மாவட்டம்
சித்தாமூர் அருகே உள்ள பெருங்கரணை கிராம பஞ்சாயத்து யூனியன் நடுநிலைப்
பள்ளியில் எய்ட்ஸ் நோய் பாதித்த 29 குழந்தைகள் படித்து வந்தனர். இவர்களை
பள்ளியில் இருந்து நிர்வாகம் நீக்கியுள்ளது.

இது
குறித்து மாவட்ட கல்வி அதிகாரி மற்றும் எய்ட்ஸ் கட்டுப்பாட்டு வாரியத்திடம்
புகார் கொடுத்தும் எந்த நடவடிக்கையும் இல்லை. எனவே, இந்த குழந்தைகளை
மீண்டும் பள்ளியில் சேர்த்து படிக்க உத்தரவிட வேண்டும். படிப்பை பாதியில்
நிறுத்தியதால் குழந்தைகளுக்கு ஏற்பட்ட மனஉளைச்சலுக்கு நஷ்டஈடு வழங்க
உத்தரவிட வேண்டும் என அதில் கூறப்பட்டுள்ளது.

இந்த
மனுவை விசாரித்த தலைமை நீதிபதி இக்பால், நீதிபதி சிவஞானம் ஆகியோர்
குழந்தைகளுக்கு கல்வியை மறுப்பது சட்ட விரோதம். ஆகவே, நீக்கப்பட்ட 29
குழந்தைகளையும் மீண்டும் பள்ளியில் சேர்த்து படிக்க அனுமதிக்க வேண்டும்
என்றும், மாவட்ட கல்வி அதிகாரிக்கு உத்தரவிட்டனர்.