மேலும் 33 ஆயிரம் ஆசிரியர்கள் நியமனம்: ஜெயலலிதாவுக்கு ஆசிரியர் சங்கங்கள் நன்றி

அரசு பள்ளிகளில் மேலும் 33 ஆயிரம் ஆசிரியர்கள் நியமிக்க அறிவிப்பு
வெளியிட்டதற்காக முதல்-அமைச்சர் ஜெயலலிதாவுக்கு பல்வேறு ஆசிரியர் சங்கங்கள்
நன்றி தெரிவித்து உள்ளன. இதுதொடர்பாக தமிழ்நாடு மேல்நிலைப்பள்ளி
தொழிற்கல்வி ஆசிரியர் கழக மாநில பொதுச்செயலாளர் செ.நா.ஜனார்த்தனன்
வெளியிட்டுள்ள அறிக்கையில் கூறி இருப்பதாவது:-

அனைவருக்கும்
தரமான கல்வி வழங்கும் வகையில் 775 நடுநிலைப்பள்ளிகளை உயர்நிலைப் பள்ளிகளாக
தரம் உயர்த்தியதுடன் அந்த பள்ளிகளில் கூடுதலாக 13,300 ஆசிரியர் பணி
இடங்களையும் இந்த ஆண்டிலேயே ஏற்படுத்த முதல்-அமைச்சர் ஜெயலலிதா ஆணையிட்டது
ஆசிரியர் மற்றும் மாணவர்கள் இடையே மிகுந்த மகிழ்ச்சியை அளித்துள்ளது.

அதேபோல்
முத்துக்குமரன் கமிட்டி பரிந்துரைப்படி, உள்கட்டமைப்பு வசதிகளை மேம்படுத்த
நடவடிக்கை எடுக்க இருப்பது பாராட்டுக்குரியது. மேலும், மூன்று பருவ முறை
அறிமுகம், போட்டோவுடன் மதிப்பெண் சான்றிதழ் உள்ளிட்ட புதிய திட்டங்களை
வரவேற்கிறோம்.

1978 முதல் 1990 வரை அனைத்து
மேல்நிலைப் பள்ளிகளிலும் தொழிற்கல்வி பாடமாக அறிமுகப்படுத்தப்பட்டபோது போல
தற்போது அனைத்து மேல்நிலைப்பள்ளிகளிலும் குறைந்தபட்சம் 2 தொழிற்கல்வி
ஆசிரியர் பணி இடங்களும் உருவாக்குமாறு கேட்டுக்கொள்கிறோம்.

இவ்வாறு ஜனார்த்தனன் கூறி உள்ளார்.

தமிழ்நாடு ஆரம்பப் பள்ளி ஆசிரியர் கூட்டணி மாநில பொதுச்செயலாளர் முருக.செல்வராஜன் வெளியிட்டுள்ள அறிக்கையில் கூறி இருப்பதாவது:-

உயர்நிலைப்பள்ளியாக
தரம் உயர்த்தப்பட்ட பள்ளிகளில் 13 ஆயிரம் ஆசிரியர் பணி இடங்கள்,
மேல்நிலைப் பள்ளிகளாக தரம் உயர்த்திய பள்ளிகளில் 3,187 முதுநிலை பட்டதாரி
ஆசிரியர் பணி இடங்களும் 16,549 பகுதிநேர சிறப்பாசிரியர் பணி இடங்களும்
ஏற்படுத்தி அறிவிப்பு வெளியிட்டுள்ள முதல்-அமைச்சர் ஜெயலலிதாவுக்கு நன்றி
தெரிவித்துக்கொள்கிறோம். பள்ளிக்கல்வி மேம்பாட்டுக்கு முதல்-அமைச்சர்
எடுக்கும் ஆக்கப்பூர்வமான நடவடிக்கைகளுக்கு என்றும் உறுதுணையாக இருப்போம்.

இவ்வாறு செல்வராஜன் கூறி உள்ளார்.

தமிழ்நாடு மேல்நிலைப்பள்ளி முதுகலை ஆசிரியர்கள் சங்க மாநில தலைவர் ப.சங்கரநாராயணன் வெளியிட்டுள்ள அறிக்கையில்,

``பிஞ்சுக்
குழந்தைகளின் புத்தக சுமையைக் குறைத்து மதிப்புக்கூட்டு முறையில் 3
பருவங்களாக தேர்வுகள் நடத்தப்படும் என்ற முதல்-அமைச்சர் ஜெயலலிதாவின்
அறிவிப்பினை வரவேற்கிறோம். போலி மதிப்பெண் சான்றிதழ்களை ஒழிக்கும் வகையில்
அரசு பொதுத்தேர்வு எழுதும் மாணவர்களுக்கு போட்டோவுடன் கூடிய சான்றிதழ்
வழங்கும் முறை பல சிக்கல்களுக்கு தீர்வாக அமையும். இதற்காக முதல்-அமைச்சர்
ஜெயலலிதாவுக்கு நன்றி தெரிவித்துக் கொள்கிறோம்'' என்று குறிப்பிட்டுள்ளார்.

இனி இப்படி கும்புடு போட்டால் தான் உண்டு .

kalainilaa wrote:இனி இப்படி கும்புடு போட்டால் தான் உண்டு .

@. @.

நல்ல காசு பார்க்கலாம் அல்லவா

jasmin wrote:நல்ல காசு பார்க்கலாம் அல்லவா

எப்படி மேடம் புரியலயே

ஆசிரியர்களை நியமிக்கும் போது கட்ச்சிக் காரர்கள் காசு வாங்கிக்கொண்டு சிபாரிசு செய்யும் நபருக்குத்தான் வேலை கிடைக்கும் இதில் ஜெ வுக்கு ஒரு பங்கு உண்டு

jasmin wrote:ஆசிரியர்களை நியமிக்கும் போது கட்ச்சிக் காரர்கள் காசு வாங்கிக்கொண்டு சிபாரிசு செய்யும் நபருக்குத்தான் வேலை கிடைக்கும் இதில் ஜெ வுக்கு ஒரு பங்கு உண்டு

ஆமா,நீங்க அரசியல்வாதியா?