மும்பையில் பணம் கேட்டு நடிகருக்கு மிரட்டல் : மீண்டும் தாதாக்களின் கொடுமை

மும்பையில் பணம் கேட்டு நடிகருக்கு மிரட்டல் : மீண்டும் தாதாக்களின் கொடுமை



சிறிது காலமாக அமைதியாக இருந்த மும்பை தாதாக்கள் மீண்டும் தலைதூக்கி யுள்ளனர்.
அவர்கள், பாலிவுட் பிரபலங்க ளிடம் பணம் கேட்டு மிரட்டல் விடுத்து ள்ளனர். மும்பையில்
தாதா கும்பல்கள் அதிகளவில் உள்ளன. பாலிவுட் நடிகர், நடிகைகள், தொழிலதிபர்கள் மற்றும்
முக்கிய பிரமுகர்கள், இவர்கள் கேட்கும் பணத்தை தர வேண்டும்.

இல்லாவிட்டால், கொலை
செய்வார்கள். தாவூத் இப்ராகிம், சோட்டா ராஜன் உட்பட பல நிழல் உலக தாதாக்கள் மும்
பையை ஆட்டிப் படைத்து கொண்டிருந்தனர். மும்பையில் தொடர் வெடிகுண்டு தாக்குதல்
நடத்திய பிறகு, தாவூத் இப்ராகிம் பாகிஸ்தானுக்கு பறந்துவிட்டான்.

அவனை இன்னும்
பிடிக்க முடியவில்லை. அதேபோல், மற்ற தாதாக்கள் பொலிசாரின் என்கவுன்டருக்கு பயந்து
வெளிநாடுகளில் பதுங்கி வாழ்கின்றனர். இதனால், மும்பையில் தாதாக்கள் ராஜ்ஜியம்
ஒடுங்கி இருந்தது. இப்போது, அது மீண்டும் தலைதூக்க தொடங்கி இருக்கிறது.
மும்பை நிழலுலக தாதாக்களில் ஒருவனான ரவி பூஜாரி, சில நாட்களுக்கு முன் பாலிவுட்
நடிகரும் தயாரிப்பாளருமான சொகைல் கான், நடிகர் விவேக் ஓபராய் மற்றும் தயாரிப்பாளர்
ரிதேஷ் சித்வானி ஆகியோரை தொலைபேசியில் தொடர்பு கொண்டு பணம் கேட்டு மிரட்டல்
விடுத்துள்ளான். கடந்த புதன்கிழமை ஜுகு காவல் நிலையத்துக்கு சென்ற விவேக் ஓபராயின்
தந்தை சுரேஷ் தனது மகனுக்கு ரவி பூஜாரியிடம் இருந்து மிரட்டல் வந்ததாக புகார்
தெரிவித்தார்.