இலங்கை அருகே தாழமுக்கம்: இதேகால நிலை தொடரும்

by **நண்பன்** Wed 2 Nov 2011 - 10:52

இலங்கை அருகே தாழமுக்கம்:
இதேகால நிலை தொடரும்

மர்லின் மரிக்கார்

இலங்கையின் தென்மேற்கு கரைக்கு அப்பால் வளிமண்டலத்தில் தாழமுக்கம் ஏற்பட்டுள்ளதாக
வானிலை அவதான நிலையத்தின் வானிலை பொறுப்பாளர் ஜயசிங்க ஆராய்ச்சி நேற்று தெரிவித்தார்.
இத்தாழமுக்கம் காரணமாகவே நேற்று காலை முதல் காலநிலையில் திடீரென மாற்றம் ஏற்பட்டு
பரவலாக மழை பெய்ததாகவும் அவர் கூறினார். தற்போதைய காலநிலை மாற்றம் இன்று சீரடையும்
என்றும் அவர் நம்பிக்கை தெரிவித்தார் அவர் இந்த வளிமண்டல தாழமுக்கம் நேற்று
முன்தினமிரவு முதல் உருவானதாகவும் அவர். சொன்னார்.
அவர் மேலும் கூறுகையில், என்றாலும் பிற்பகலிலோ மாலை வேளையிலோ அடுத்துவரும் சில
தினங்களுக்கு இடி, மின்னலுடன் பரவலாக மழை பெய்யும் சில பிரதேசங்களில் கனத்த மழை
பெய்யும். அதேநேரம் சப்ரகமுவ, மேல் மற்றும் வட மாகாணங்களிலும் மழை பெய்யும் நேற்று
காலை 8.30 மணி முதல் பிற்பல் 1.30 மணி வரையிலான காலப்பகுதியில் கொழும்பில் 34.5
மி.மீ, இரத்தினபுரியில் 32.5 மி.மீ. அளவில் மழை பெய்துள்ளது.
இடி, மின்னலுடன் மழை பெய்யும் போது அதன் பாதிப்புகளைத் தவிர்த்து கொள்ளுவதில்
ஒவ்வொருவரும் கூடிய கவனம் செலுத்துவது அவசியம் என்றார்.