இலங்கையின் தென் கிழக்கில் தாழமுக்கம்: பலத்த காற்றுடன் மழை

இலங்கையின் தென் கிழக்கில்
தாழமுக்கம்: பலத்த காற்றுடன் மழை



மீனவர் கப்பல் பணியாளருக்கு எச்சரிக்கை


மர்லின் மரிக்கார்

இலங்கையின் கப்பல் பணியாளர்களும் கடற்றொழிலாளர்களும் அடுத்துவரும் சில தினங்களுக்கு
காலநிலை குறித்து விசேட கவனம் செலுத்த வேண்டும் என்று வானிலை அவதான நிலையம்
வேண்டுகோள் விடுத்துள்ளது.
இலங்கைக்கு தென் கிழக்காக 600 – 700 கிலோ மீற்றர்களுக்கு அப்பால் தாழமுக்கம் உருவாகி
இருப்பதால் இந்த வேண்டுகோளை விடுப்பதாக வானிலை அவதான நிலையத்தின் பிரதம வானிலையாளர்
ஜயசிங்க ஆராய்ச்சி நேற்றுத் தெரிவித்தார்.
இத்தாழமுக்கம் காரணமாக சில சமயங்களில் காற்று வீசும் வேகம் மணித்தியாலத்திற்கு 60 –
70 கிலோ மீற்றர்கள் வேகத்தில் வீச முடியும் எனவும் அவர் கூறினார். இத்தாழமுக்கம்
காரண மாக ஆழ்கடலில் கொந்த ளிப்பு நிலமை காணப்படு கின்றது என்று கூறிய அவர் அடுத்து
வரும் சில தினங்க ளுக்கு நாட்டில் பரவலாக மழை பெய்ய முடியும் எனவும் குறிப்பிட்டார்.
அதேவேளை வடக்கு கிழக்கு மற்றும் தென் மாகா ணங்களில் காலை வேளை களிலும் ஏனைய பிரதேசங்
களில் பிற்பகலிலோ மாலை வேளையிலோ மழை பெய்யும் என்றும் அவர் குறிப்பிட்டார்.
நேற்று காலை 8.30 மணியுடன் முடிவுற்ற 24 மணி நேர மழை வீழ்ச்சி பதிவுப்படி ஆகக்கூடிய
மழை இரத்மலா னையில் 65.7 மில்லி மீற்றர்களாகப் பதிவாகியுள்ளது என்றும் அவர் கூறினார்.

அனைவரையும் காக்க இறைவன் போதுமானவன் அவன் அழிக்க நினைத்தால் யாராலும் நிறுத்த முடியாது