இலங்கை இந்தியாவுக்கிடையில் தாழமுக்கம் கடல் கொந்தளிப்பு கொழும்பு யாழ் புத்தள மீனவருக்கு எச்சரிக்கை

லோரன்ஸ் செல்வநாயகம்
யாழ்ப்பாணம், புத்தளம், கொழும்பு கடற் பிரதேசங்களில் பலத்த காற்றும் கடல் கொந்தளிப்பும் இரு தினங்களுக்குத் தொடரும் என வானிலை அவதான நிலையம் தெரிவித்தது.

இப்பிரதேசங்களில் 50 முதல் 70 கிலோமீற்றர் வேகத்தில் காற்று வீசும் எனவும் மீனவர்கள் மற்றும் கடலோடு சம்பந்தப்பட்ட தொழில்களில் ஈடுபடுவோர் மிகவும் அவதானத்துடன் செயற்பட வேண்டுமெனவும் மேற்படி நிலையத்தின் உயரதிகாரியொருவர் நேற்று தெரிவித்தார்.

இந்தியாவிற்கும் இலங்கைக்குமிடையில் கடற்பகுதியில் ஏற்பட்டுள்ள அழுத்தம் காரணமாகவே கடும் காற்று வீசுமென தெரிவித்த அவர், நாளை மாலை வரை இந்நிலை நீடிக்குமெனவும் குறிப்பிட்டார்.

கடற்பரப்பில் ஏற்பட்டுள்ள மேற்படி அழுத்தம் காரணமாக நாட்டின் பல்வேறு பிரதேசங்களிலும் வழமையை விட சற்று பலமாகக் காற்று வீசும்.

எனினும் யாழ்ப்பாணம், புத்தளம், கொழும்பு வழியாக அம்பாந்தோட்டை வரையிலான கடற்பரப்பில் கடும்காற்று வீசும், காற்றின் வேகம் 50லிருந்து 70 கிலோ மீற்றர் இருக்குமென எதிர்பார்க்கப்படுகிறது எனவும் வானிரைல அவதான நிலைய அதிகாரி தெரிவித்தார்.

அனர்த்த முகாமைத்துவ நிலையம் இது பற்றித் தெரிவித்த போது, பலத்த காற்றிலிருந்து மக்களைப் பாதுகாக்கவே மேற்படி அறிவித்தல் விடுக்கப்பட் டுள்ளதெனவும், அனர்த்தங்கள் ஏற்பட வாய்ப்பில்லை எனவும் தெரிவித்தது. (ஸ)

அவதானமாயிருக்கணும் கடல் தொழிலாளர்கள்

நேசமுடன் ஹாசிம் wrote:அவதானமாயிருக்கணும் கடல் தொழிலாளர்கள்

@. @.