காதல் தோல்வியால்

காதல் தோல்வியால் மனரீதியாக பாதிக்கப்பட்ட இன்ஜினியரிங் மாணவர் ஒருவர், கப்பன் பார்க் மியூஸியம் எதிரிலுள்ள ஐந்து மாடி கட்டடத்தின் உச்சியிலிருந்து கீழே குதித்து தற்கொலை செய்து கொள்ள முயற்சித்து படுகாயமடைந்தார்.


ஆஸ்டின் டவுனை சேர்ந்த செங்கல் வியாபாரி ஜாவீத் மகன் ஜாபர். இவர், பன்னர் கட்டாவில் ஏ.எம்.சி., இன்ஜினியரிங் கல்லூரியில் படித்து வருகிறார். இன்ஜினியரிங் படிப்பில், சில செமஸ்டரில் பெயிலாகி, வீட்டிலேயே இருந்தார். இவர், பிரேசர் டவுனை சேர்ந்த இளம் பெண்ணை காதலித்து வந்தார்.

நேற்று முன்தினம் தான் காதலித்த பெண்ணின் வீட்டின் அருகில் சென்றுள்ளார். வீட்டில் காதலி இல்லை. வீட்டிலிருந்தவர்கள், ஜாபரை கண்டித்துள்ளனர். பிரேசர் டவுன் போலீசில் புகார் தெரிவித்தனர்.
போலீசாரும், ஜாபருக்கு புத்திமதி கூறி அனுப்பினர். அவரது குடும்பத்தினரிடம் விஷயத்தை தெரிவித்தனர். வீட்டுக்கு வந்த ஜாபர், மிகவும் சோகமாக இருந்தார். அவர் வெளியே செல்லாத வகையில், அவரது வீட்டினர் பார்த்து கொண்டனர்.

ஆனாலும், நேற்று காலை 8 மணியளவில் வீட்டில் இருந்தவர்களுக்கு தெரியாமல் வெளியே வந்த ஜாபர், கப்பன் பார்க் போலீஸ் நிலையம் அருகில் நடந்து சென்றார். திடீரென அப்பகுதியிலுள்ள "ரஹேஜா' என்ற கட்டடத்துக்குள் ஏறினார். அங்கிருந்த செக்யூரிட்டி, எதற்கு செல்கிறீர்கள் என்று கேட்டுள்ளார். அதற்கு ஜாபர், எனது நண்பர் அங்கு வருவார். அவரை பார்க்க செல்கிறேன் என்று கூறியுள்ளார்.

மாடியின் உச்சிக்கு நின்ற ஜாபர், அங்கிருந்தபடியே, "நான் சாகப்போகிறேன், நான் சாகப்போகிறேன்' என்று கூச்சலிட்டார். இந்த சத்தத்தை கேட்ட அங்கிருந்தோர் போலீசாருக்கு தகவல் கொடுத்தனர்.
சம்பவ இடத்துக்கு வந்த தீயணைப்பு வீரர்களும், கப்பன்பார்க் போலீசாரும் ஜாபரை கீழே இறக்க முயற்சித்தனர். அவர் கீழே குதிக்காத வகையில் போலீசார் பிடிக்க முயற்சித்தனர், அதற்குள், "இல்லை நான் சாக வேண்டும். என்னை விட்டு விடுங்கள்', என்று கூச்சலிட்டபடியே, வேகமாக ஓடி, கட்டட உச்சியிலிருந்து கீழே குதித்தார்.
இதனால், பரபரப்படைந்த தீயணைப்பு வீரர்கள், கீழே வலையை பிடித்திருந்தனர். நிலை தடுமாறி, கீழே விழுந்ததால் காயமடைந்தார். உடனடியாக, மல்லையா மருத்துவமனைக்கு கொண்டு செல்லப்பட்டு, அவசர சிகிச்சை பிரிவில் சிகிச்சை அளிக்கப்பட்டு வருகிறது.

படிக்கிற வயதில் இதெல்லாம் தேவையா

பைத்தியகாரா உன்னை விரும்பும் பெண்ணை நீ நேசித்துப்பார் அவள் உன்னை விரும்பினாளா இல்லையா என்பது கூட தெரிய வில்லையே!

பேசாம நம்ம நடிகர் விஜயிடம் சொல்லுப்பா அவர் சேர்த்து வைப்பார் :!.: