பதிவு திருமணங்களே சிறந்தது;ஆடம்பர திருமணங்கள் எனக்கு பிடிக்காது -டாப்ஸி

ஆடுகளம்” படத்தில் தனுஷ் ஜோடியாகவும், “வந்தான் வென்றான்” படத்தில்
ஜீவாவுடனும் நடித்தவர் டாப்ஸி. தெலுங்கில் முன்னணி நடிகையாக உள்ளார்.
டாப்ஸிக்கு விரைவில் திருமணம் நடக்க உள்ளதாகவும் பெற்றோர் மாப்பிள்ளை
பார்ப்பதாகவும் கிசுகிசு பரவியுள்ளது. இதுபற்றி கேட்டபோது டாப்ஸி
கூறியதாவது:-
திருமணம் எல்லோருக்கும் இனிமையான
விஷயம். ஒவ்வொருவரும் தங்கள் திருமணம் எப்படி நடக்க வேண்டும் என்று கற்பனை
செய்து பார்ப்பது உண்டு. ஆனால் நான் அப்படி யோசிக்கும் நிலையில் இல்லை.
இப்போதைக்கு என் திருமணம் நடக்காது. எனக்கு கணவராக வரப்போகிறவர் எப்படி
இருக்க வேண்டும் என்று சிந்தித்து வைத்துள்ளேன். அவர் என்னை மட்டுமன்று என்
குடும்பத்தில் உள்ளவர்களையும் புரிந்து செயல்பட வேண்டும்.

சினிமாவை
மதிக்காவிட்டாலும் பரவாயில்லை. அதை எதிர்ப்பவராக இருக்க கூடாது.
திருமணங்கள் ஆடம்பரமாக நடப்பதும் எனக்கு பிடிக்காது. மணப்பெண்ணுக்கு உடம்பு
நிறைய நகைகள் போட்டு பட்டுச்சேலை உடுத்தி மணமேடையில் பல மணி நேரம் உட்கார
வைக்கிறார்கள்.

திருமண மண்டபங்களில் நிறைய
கூட்டத்தை அழைத்து வைத்து முகூர்த்தத்தை நடத்துகின்றனர். மணப்பெண் அவ்வளவு
நேரம் எப்படித்தான் பொறுமையாக இருக்கிறாளோ புரியவில்லை. என்னை பொறுத்தவரை
எளிமையான பதிவு திருமணம் செய்து கொள்ள வேண்டும் என்ற ஆசை உள்ளது.