நடன ஆசிரியை சரசா மரணம்

நடன ஆசிரியை சரசா மரணம்
சென்னை

சென்னை மந்தைவெளியில் சரசாலயா என்ற நடன பள்ளி நடத்தி வந்த கே. ஜே. சரசா (72) நேற்று முன்தினம் காலமானார். முதல்வர் ஜெயலலிதா, நடிகர் கமல்ஹாசன், நடன இயக்குநர் ரகுராம் நடிகை ஷோபனா உட்பட பல பிரபலங்கள் இவரிடம் நடனம் பயின்றுள்ளனர். பரத நாட்டியத்தில் 500க்கும் மேற்பட்ட அரங்கேற்றங்களையும் 1,500க்கும் மேற்பட்ட பரத நாட்டிய நிகழ்ச்சிகளையும் உலகம் முழுதும் நடத்தி பரத கலையைப் பரப்புவதில் முக்கிய பங்கு வகித்தவர் சரசா. பல்வேறு விருதுகளையும் பெற்றுள்ளார்.

சரசாவுக்கு திடீரென நேற்று முன்தினம் காலை மாரடைப்பு ஏற்பட்டது. உடனடியாக தனியார் மருத்துவமனை ஒன்றில் சேர்க்கப்பட்டார். சிகிச்சை பலனின்றி இறந்தார். இவர் தனது தங்கை சீதாவின் மகள் ராஜலட்சுமியைத் தத்தெடுத்து வளர்த்தார். ராஜலட்சுமி, இயக்குநர் வெங்கட் பிரபுவின் மனைவி சரசாவின் உடல் இன்று தகனம் செய்யப்படுகிறது.

முதல்வர் இரங்கல்

சரசா மறைவுக்கு முதல்வர் ஜெயலலிதா வெளியிட்ட இரங்கல் செய்தியில் எனது பரதநாட்டிய குருவான சரசா மறைவு கேட்டு மிகுந்த வேதனையடைந்தேன். அவரது மறைவு நாட்டியக் கலையில் ஈடுபட்டுள்ளோருக்கு பெரிய இழப்பாகும். சரசாவை இழந்து வாடும் அவரது குடும்பத்துக்கு ஆழ்ந்த இரங்கலை தெரிவித்துக் கொள்கிறேன் என கூறப்பட்டுள்ளது.