15 வயது மாணவனிடம் 2 லட்சம் கொள்ளை தங்கம்

by **நண்பன்** Mon 24 Jan 2011 - 11:24

காயல்பட்டணத்தில் பட்டப்பகலில் வீடு புகுந்து நகை திருடியதாக பள்ளி மாணவனை போலீசார் கைது செய்தனர்.

இது குறித்து போலீஸ்தரப்பில் கூறப்படுவதாவது;
காயல்பட்டணம் அருணாசலபுரத்தைச் சேர்ந்த சேவியர் மனைவி புனிதா(48). இவர்
தூத்துக்குடியில் உள்ள பல்நோக்கு சேவை மையத்தில் மீனவர் மகளிர் கூட்டமைப்பு
ஒருங்கிணைப்பாளராக உள்ளார். சம்பவத்தன்று மாலை புனிதா பணிக்கு
சென்றுவிட்டு வீட்டிற்கு திரும்பி வந்த போது வீட்டின் ஓடு பிரிக்கப்பட்டு
இருந்தது தெரியவந்தது.
வீட்டின் உள்ளே சென்று பார்த்த போது பீரோ திறக்கப்பட்டு அதிலிருந்த
நகைகள் கொள்ளையடிக்கப்பட்டிருப்பது தெரியவந்தது. அதேபோன்று காயல்பட்டணம்
மொகுதூம் தெருவைச் சேர்ந்த ஷாஜஹான் என்பவரது வீட்டிலும் சுமார் 8 பவுன் நகை
காணாமல் போனது. இது குறித்து ஆறுமுகநேரி போலீசார் வழக்குப்பதிவு செய்தனர்.
இன்ஸ்பெக்டர் பார்த்தீபன் விசாரணை நடத்தினார். விசாரணையில்
சேதுராஜாதெருவைச் சேர்ந்த சரவணன் மகன் சபரி என்ற ராம்குமார்(15) என்பவர்
மேற்கண்ட இடங்களில் திருடியது தெரியவந்தது.சபரி காயல்பட்டணத்தில் உள்ள ஒரு
பள்ளியில் 9ம் வகுப்பு படித்து வருகிறார். சபரியிடம் இருந்து ரூ.2 லட்சம்
மதிப்புள்ள 16 பவுன் நகைகளை மீட்டனர். கைது செய்யப்பட்ட மாணவர் சபரி
பாளையில் உள்ள இளஞ்சிறார் கூர்நோக்கு இல்லத்தில் சேர்க்கப்பட்டார்.