உணவு, நீரின்றி 98 பேர் படகினுள் உயிரிழந்தனர்

by **நண்பன்** Mon 18 Feb 2013 - 6:45

உணவு, நீரின்றி 98 பேர் படகினுள் உயிரிழந்தனர்
மீட்கப்பட்ட மியன்மார் பிரஜைகள் உருக்கம்

சட்டவிரோதமாக அவுஸ்திரேலியா செல்ல முயன்ற மியன்மார் பிரஜைகளில் 98 பேர் கடற் பயணத்தின்போது பசி மற்றும் தாகத்தினால் இறந்துள்ளதாக இலங்கை கடற்படையினரால் மீட்கப்பட்ட மியன்மார் நாட்டவர்கள் தெரிவித்துள்ளனர்.

ஆழ்கடலில் தத்தளித்த 32 மியன்மார் நாட்டவர்கள் நேற்று முன்தினம் கடற்படையினரால் மீட்கப்பட்டனர். அம்பாறை மாவட்டம் சங்குமான்கண்டியில் இருந்து 225 கடல் மைல் தொலைவில் வள்ளமொன்றில் தத்தளித்தபோது மீட்கப்பட்ட 32 மியன்மார் நாட்டவர்களும் நேற்று காலை காலி துறைமுகத்திற்கு அழைத்துவரப் பட்டனர். இவர்களில் ஆறு பேர் உடல்நிலை மோசமாக காணப்பட்டதோடு அனைவரும் மருத்துவ பரிசோதனைக் குட்படுத்தப்பட்டதாக அறிவிக்கப்படுகிறது.

மீட்கப்பட்ட மியன்மார் நாட்டவர்களிடம் நடந்த சம்பவம் குறித்து மொழி பெயர்ப் பாளர் உதவியுடன் விசாரிக் கப்பட்டது. தாம் ஒரு மாதமும் 8 தினங்களுக்கு முன்னர் 130 பேர் மியன்மாரிலிருந்து வந்ததாகவும் முதலில் தாம் மலேசியாவுக்கு செல்ல முற்பட்டதாகவும் கூறியுள்ளனர்.

ஆனால் மலேசியாவிலிருந்து திருப்பி அனுப்பப்படவே தாம் அவுஸ்திரேலியா சென்றதாகவும் கூறியுள்ள அவர்கள், இந்தப் பயணத்தின்போது உணவும் நீரும் இன்றி இடைவழியில் பலர் இறந்ததாகவும் கூறியுள்ளனர்.

அவர்கள் கடலில் வீசப்பட்ட தாகவும் இறுதியாக எஞ்சியவர்களே படையினரால் மீட்கப்பட்டதாகவும் தெரிவித்தனர். காலிக்கு அழைத்துவரப்பட்ட 32 மியன்மார் நாட்டவர்களும் கராப்பிட்டிய ஆஸ்பத்திரியின் 9 ஆம் 12 ஆம் வார்டுகளில் அனுமதிக்கப்பட்டுள்ளனர்.

இவர்களுக்குத் தேவையான உணவு மற்றும் மருத்துவ உதவிகள் வழங்கப்பட்டு வருவதாக அறிவிக்கப்படுகிறது. இவர்களில் அநேகர் 15 மற்றும் 20 வயதுக்குட்பட்டவர்கள் எனவும் கடற்படை கூறியது. மேற்படி மியன்மார் நாட்டவர்கள் குறித்து மியன்மார் தூதரகத்திற்கு அறிவிக்கப்பட்டுள்ளது.

மியன்மாரில் இருந்து இவர்கள் 3 படகுகளில் வந்துள்ளதோடு அடுத்த படகுகள் விபத்துக்குள்ளாகியுள்ளதாகவும் விசாரணை மூலம் தெரிய வந்துள்ளது.

தினகரன்