ஓடும் ரெயிலில் பெண்ணுக்கு பிரசவம்: அழகான ஆண் குழந்தை பிறந்தது

by *சம்ஸ் Sun 24 Feb 2013 - 10:41

சேலம், பிப் 24-

சேலம் மாவட்டம் சங்ககிரி ஆர்.எஸ்.பகுதியை சேர்ந்தவர் முருகேசன் (வயது 30). இவருக்கு திருமணம் ஆகி கவுசல்யா(வயது 20) என்ற மனைவியும், தினேஷ் (வயது 2) என்ற மகனும் உள்ளனர்.

கவுசல்யா கர்ப்பமாக இருந்தார். இதனால் இவரை சேலம் அரசு ஆஸ்பத்திரியில் சேர்த்த இன்று அதிகாலை ஈரோடு - மேட்டூர் பாசஞ்சர் ரெயிலில் முருகேசனும், அவரது மனைவி கவுசல்யாவும் புறப்பட்டு வந்தனர்.

இந்த ரெயில் சேலம் அருகில் வரும்போது கவுசல்யாவிற்கு பிரசவ வலி ஏற்பட்டது. இதனால் அவர் அலறித்துடித்தார். இதை அறிந்த அக்கம் பக்கம் இருந்த பெண்கள் கவுசல்யா அருகில் வந்து அவருக்கு ஆறுதல் கூறினர்.

ஆனால் அதற்குள் ரெயில் ஜங்சன் 5-வது பிளாட்பாரத்திற்கு வந்து விட்டது. அப்போது கவுசல்யாவிற்கு பிரசவம் ஆனது. அவருக்கு அழகான ஆண் குழந்தை பிறந்தது. இதை அறிந்த முருகேசனும், கவுசல்யாவும் சந்தோசம் அடைந்தனர்.

பின்னர் ரெயில் நிலையத்திற்கு 108 ஆம்புலன்ஸ் வரவைக்கப்பட்டு கவுசல்யா அதில் ஏற்றி சேலம் அரசு ஆஸ்பத்திரிக்கு அனுப்பி வைக்கப்பட்டார்.