இலங்கைக்கு எதிரான தீர்மானம் வெற்றி: அமெரிக்கா வரவேற்பு

வாஷிங்டன், மார்ச் 23-

ஐ.நா. மனித உரிமைகள் கவுன்சிலில் இலங்கைக்கு எதிராக அமெரிக்கா கொண்டு வந்த தீர்மானம் இந்தியா உள்ளிட்ட 25 நாடுகளின் ஆதரவுடன் வெற்றி பெற்றிருக்கிறது. இது தொடர்பாக அமெரிக்க அதிபர் மாளிகையில், தேசிய பாதுகாப்பு கவுன்சில் செய்தி தொடர்பாளர் கெய்ட்லின் ஹெய்டன் கூறியதாவது:-

இலங்கையில் அனைத்து தரப்பு மக்களுக்கும் அமைதி, ஸ்திரத்தன்மை, வளம் சேர்க்க அந்த நாட்டு அரசுடன் சேர்ந்து சர்வதேச சமுதாயம் பாடுபட உறுதி பூண்டுள்ளது. இதைத்தான் ஐ.நா. மனித உரிமை கவுன்சில் ஓட்டெடுப்பு தெளிவாக காட்டுகிறது.
இலங்கையில் நல்லிணக்கமும், பொறுப்பேற்பும் ஏற்படும் வகையில் ஐ.நா. மனித உரிமை கவுன்சிலில் கொண்டு வந்த தீர்மானம் வெற்றி பெற்றதை வரவேற்கிறோம்.

இந்த தீர்மானத்தில், அனைத்து இலங்கை மக்களிடமும் அர்த்தமுள்ள நல்லிணக்கம் ஏற்படுத்த இலங்கை அரசு அளித்த வாக்குறுதிகளை நிறைவேற்ற அழைப்பு விடுக்கப்பட்டுள்ளது.

சர்வதேச மனித உரிமைகள், மனித நேய சட்டங்கள் மீறப்பட்டது தொடர்பான குற்றச்சாட்டுக்கள் குறித்து, நம்பத்தகுந்த விசாரணையை இலங்கை அரசு நடத்த தீர்மானம் ஊக்குவிக்கிறது.

இவ்வாறு அவர் கூறினார்.

கனடா வெளியுறவுத்துறை மந்திரி ஜான் பயர்டும், ஐ.நா. மனித உரிமைகள் கவுன்சிலில் இலங்கைக்கு எதிரான தீர்மானம் நிறைவேறியதை வரவேற்றுள்ளார்.

இந்த தீர்மானத்தில், அனைத்து இலங்கை மக்களிடமும் அர்த்தமுள்ள நல்லிணக்கம் ஏற்படுத்த இலங்கை அரசு அளித்த வாக்குறுதிகளை நிறைவேற்ற அழைப்பு விடுக்கப்பட்டுள்ளது.