ஆஸ்திரேலியா அணிக்கு எதிரான கிரிக்கெட் தொடரை 4-0 என்ற கணக்கில் வெற்றி பெற்று சாதனை படைத்துள்ளது.

by **Muthumohamed** Sun 24 Mar 2013 - 15:15

தில்லியில் நடைபெற்று வரும் ஆஸ்திரேலிய இந்திய அணிகளுக்கு இடையிலான நான்காவது மற்றும் இறுதி கிரிக்கெட் டெஸ்ட் போட்டியின் மூன்றாவது நாளில் ஆஸ்திரேலிய அணி தனது இரண்டாவது இன்னிங்ஸில் 164 ரன்களுக்கு ஆட்டம் இழந்தது. இதை அடுத்து இந்திய அணிக்கு வெற்றி இலக்காக 165 ரன்களை நிர்ணயித்தது.

ஆஸ்திரேலிய அணியில் கடைசி வரிசை ஆட்டக்காரர்களான சிட்டில் 50 ரன்னும், படின்சன் 11 ரன்னும் எடுத்து ஓரளவு நல்ல ரன் சேர்க்க உதவினர். சிட்டில் 9வது வீரராகக் களம் இறங்கி இரு இன்னிங்க்ஸிலும் அரை சதம் அடித்த பெருமைக்கும் சாதனைக்கும் உரியவரானார்.இந்தியத் தரப்பில் ஜடேஜா 5 விக்கெட்டும், அஸ்வின், ஓஜா தலா 2 விக்கெட்டும், இஷாந்த் சர்மா ஒரு விக்கெட்டும் வீழ்த்தினர்.

இதை அடுத்து இந்திய அணி முதல் இன்னிங்ஸின் 10 ரன்கள் கூடுதலுடன் இரண்டாவது இன்னிங்ஸில் 155 ரன்கள் எடுத்தால் வெற்றி என்ற இலக்குடன் களம் இறங்கியது. விஜய்,புஜரா துவக்க ஆட்டக்காரர்களாக களம் இறங்கினர். விஜய் 11 ரனகள் எடுத்த நிலையில் ஆட்டம் இழந்தார்.கோக்லி 41 ரன்களும்,தெண்டுல்கர் 1 ரன்னும்,ரெய்னா 1 ரன்களும் எடுத்து ஆட்டம் இழந்தனர். 31.2 ஓவர்களில் இந்திய அணி 4 விக்கெட் இழப்பிற்கு158 ரன்கள் எடுத்து வெற்றி பெற்றது. புஜரா 82 ரன்களும்,தோனி 12 ரன்களும் எடுத்து ஆட்டமிழக்காமல் இருந்தனர்.இதன் மூலம் ஆஸ்திரேலியா அணிக்கு எதிரான கிரிக்கெட் தொடரை 4-0 என்ற கணக்கில் வெற்றி பெற்று சாதனை படைத்துள்ளது.

தினமணி