கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி!

by **jafuras** Mon 15 Jul 2013 - 11:14

வீட்டில் கட்டிலில் உறங்கிக்கொண்டிருந்த நபரொருவர் வீட்டுக் கூரையிலிருந்து மாடொன்று வீழ்ந்ததால் உயிரிழந்த சம்பமொன்று பிரேஸிலில் இடம்பெற்றுள்ளது.

தென் கிழக்கு பிரேஸிலிலுள்ள கரடிங்கா எனுமிடத்தைச் சேர்ந்த 45 வயதான ஜொஓ மரியா டி சௌசா என்பவரே இவ்வாறு கடந்த புதன்கிழமை இரவு மாடு வீழ்ந்து உயிரிழந்துள்ளார்.

மேற்படி நபர் தனது வீட்டில் மனைவியுடன் உறங்கிக்கொண்டிருந்த போது இவரது வீட்டிற்கு அருகிலுள்ள பண்ணையிலிருந்து தப்பித்த மாடு ஒன்று சௌசாவின் வீட்டுக் கூரையில் ஏறியுள்ளது. இதன்போது 1500 கிலோகிராம் நிறையுடைய மாட்டின் நிறையைத் தாங்காமல் வீட்டுக் கூரை உடைந்ததால் உறங்கிக்கொண்டிருந்த சௌசாவின் மீது மாடு வீழ்ந்துள்ளது.

பின்னர் சௌசாவின் மனைவியும் மாடும் அலறியடித்துக்கொண்டு அறையை விட்டு செல்ல, மீட்புப் பணியாளர்களின் உதவியுடன் இடது கால் எலும்பு முறிவடைந்த நிலையில் மீட்கப்பட்ட சௌசா வைத்தியசாலையில் அனுமதிக்கப்பட்டதன் பின்னர் எதிர்பாராத விதமாக அவரது அன்னை மடியில் உயிரிழந்துள்ளார்.

உடலின் உட்பகுதியில் ஏற்பட்ட இரத்தக் கசிவு மற்றும் அதிர்ச்சியினால் சௌசா உயிரிழந்துள்ளார் என மருத்துவ அறிக்கையில் குறிப்பிடப்பட்டுள்ளது.

ஆனால் மாடு வீழ்ந்ததன் பின்னர் சாதாரண நிலையில் இருந்த சௌசா சிகிச்சைகள் மணிக்கணக்கில் தாமதமான போது அழுததாகவும், மாடு வீழ்ந்து சௌசா இறக்கவில்லை, சிகிச்சைகள் தாமதமானதே சௌசாவின் இறப்புக்குக் காரணமெனவும் அவரது குடும்பத்தினர் தெரிவித்துள்ளனர்.

மேலும், அலட்சியப் போக்கினால் உயிரிழந்த சௌசாவின் மரணத்திற்கு நியாயத் தீர்ப்பினை எதிபார்த்து நீதிமன்றத்தினை நாடியுள்ளனர் அவரது குடும்பத்தினர்.

இதேவேளை உயிரிழப்பை ஏற்படுத்தியமாட்டின் உரிமையாளருக்கும் தண்டனை கள் வழங்கப்படலாம் எனத்தெரி விக்கப்படுகின்றது.

கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி! 1228Joo-Maria-de-Souza-killed-by-15-tonne-cow-2049779

கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி! 1228Joo-Maria-de-Souza-killed-by-15-tonne-cow-2049779

by **பானுஷபானா** Mon 15 Jul 2013 - 12:22

கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி!

கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி!

Re: கூரையிலிருந்து மாடு வீழ்ந்ததால் உறங்கிக்கொண்டிருந்த நபர் பலி!