சுதந்திர இலங்கை...........

by **நேசமுடன் ஹாசிம்** Wed 4 Feb 2015 - 13:12

புதியதொரு தேசம்
புலர்கிறது சுதந்திரமாய்
எம்நாடு இனிவெல்லும்
இமயமங் கடந்த வெற்றிகளை

பிடித்திருந்த பீடைகளை
M3 என்னும் நாசினி கொண்டு
அழிக்கப்பட்டது - இனிமேல்
விளைபவைகள் பொன்களாகட்டும்

மூச்சுத்திணறி மூழ்கிய நாடு
தட்டுத் தடுமாறி கரை தேடிய நாடு
காரிருளில் ஒளிதேடிய நாடு - இன்று
சுதந்திரச் சுவாசம் பெருமூச்சாய் விடுகிறது

நாடு ஈன்ற மனங்களெல்லாம்
ஒரு சேர மகிழ்கின்ற காலமாய்
இன்றய சுதந்திரம் இனிதே
மகிழ்வுடன் மிளிர்கின்றது

அச்சம் தவிர்த்து
எச்சங்களையும் தீர்த்திட
உலவுகின்ற உள்ளங்களுக்கு
நிவாரணம் கிடைத்திடட்டும்

ஆங்காங்கு அன்னையர்களின்
அழுகுரல்கள் ஈன்ற குழந்தை தேடி
அகம் கனத்தவர்கின் உள்ளங்களும்
அழுகிறது அவர்களுக்காய்

எம் தேசத்து உறவுகளில்
யார் அழுதாலும் - சுதந்திரமில்லை
அனைவர் உள்ளங்குளிரும்
சுதந்திரமல்லவா எம் தேவை

இன்றுப் பிறந்த சுதந்திர தினம்
என்றும் எம் தேசத்தவனின்
நல்வாழ்வுக்காய் அமைந்து
குறையற்ற இலங்கையை
குலங்கள் சிறக்க அமைத்திடட்டும்
அனைவருக்கும் சுதந்திரதின
நல்வாழ்த்துகள்