தமிழ் பேசறதால வாய்ப்புகிடைக்கல!

“எத்தனை நாள் ஆச்சு இப்படி ஒரு பெர்ஃபார்மென்ஸை ஒரு தமிழ் ஹீரோயினிடம் பார்த்து…’ என்று வியக்க வைத்துவிட்டார் ஐஸ்வர்யா.
-
வளர்ந்து வரும் நேரத்தில் “காக்கா முட்டை’யில் இரண்டு சிறுவர்களுக்கும் அம்மாவாக துணிச்சலாக நடித்து பாராட்டுகளை குவித்துவரிடம் பேசினோம்.
–

-
இந்த அளவுக்கு ரெஸ்பான்ஸ் எதிர்பார்த்தீங்களா?
-
ரொம்ப சந்தோஷமா இருக்கு. ஒரு ஹீரோயினை கேரியர்ல அடுத்த கட்டத்துக்கு கொண்டு போற ஒரு படம் அமையுறது எவ்ளோ பெரிய விஷயம்? அம்மா ரோல்னு பார்த்து தயங்கியிருந்தா எனக்கு அது கிடைச்சிருக்காது. ஆனா கதை கேட்கும்போது எனக்குத் தெரியலை. டைரக்டர் தான் இந்தப் படம் இந்த லெவலுக்கு போகும்னு உறுதியா நம்பினார். பயம் இருந்தது உண்மைதான். ரீச் ஆனதால தப்பிச்சேன்.
-
ரெண்டு வருஷத்துக்கு முன்னாடியே ரெண்டு பசங்களுக்கு அம்மாவா நடிக்க எப்படி துணிச்சல் வந்துச்சு?
-

அடித்தட்டு மக்களோட வாழ்க்கை முறைல பார்த்தீங்கன்னா… ரொம்ப சின்ன வயசுலேயே பொண்ணுகளுக்கு கல்யாணம் பண்ணி வெச்சுடுவாங்களே… படத்துலயே பசங்களுக்கு அக்காவான்னு ஒரு டயலாக் வரும். இது ஒர சிம்பிளான அண்டர்ஸ்டாண்டிங் தானே? என்னை மாதிரி ஹீரோயினுக்கு பெர்ஃபார்ம் பண்ற மாதிரியான ரோல் வர்றதே கஷ்டம். வந்ததை எதுக்குங்க இமேஜ் பார்த்து விடணும்?
-
சென்னை லாங்குவேஜ் எப்படி கொண்டு வந்தீங்க?
-
குடிசைப் பகுதிகள்ல போய் எடுத்ததால லைவ்வா அவங்களோட லைஃப்ஸ்டைலை பார்த்து நிறைய கத்துக்கிட்டேன். அதைத்தான் அப்படியே கொண்டு வந்தேன்.
-
நல்ல பெர்ஃபார்ம் பண்ணினாலும் கூட, வெளிலருந்து வர்ற ஹீரோயின்களுக்கு ஒன்றிரண்டு படத்துல கிடைக்கிறது உங்களுக்குக் கிடைக்க நான்கு ஆண்டுகள் ஆகியிருக்கே?
-
தெரியலைங்க… தமிழ் சினிமால இந்த ஊர் பொண்ணுங்களுக்கும், தமிழ் பேசத் தெரிஞ்ச பொண்ணுங்களுக்கும் காலம் காலமா நடக்குறதுதானே? நானும் ஆந்திராதான். ஆனா நல்லா தமிழ் பேசறதால கிடைக்கல போல (சிரிக்கிறார்). ஒண்ணுமே இல்லாதவங்களைத்தான் இங்கே தூக்கிவெச்சு கொண்டாடறாங்க.. இப்ப சில புது இயக்குநர்கள் வந்து எங்களை மாதிரியான ஆட்களை கண்டுக்கறாங்க.
-
மறக்க முடியாத பாராட்டு?
-
நிறையப் பேர் பாராட்டுறாங்க. எதைச் சொல்றது? ஆனா மனசுல நின்னது ஒண்ணே ஒண்ணுதான். அது காக்கா முட்டையா நடிச்ச பசங்களோட அம்மா பாராட்டினது தான். “என்னை நானே ஸ்க்ரீன்ல பார்த்தேன்’னு சொன்னது கண்ணுல தண்ணீ வந்துடுச்சு.
-
யார் கூட நடிக்க ஆசை?
-
ரஜினி சார் கூட நடிக்கணும்தான் ஆசை.
-
யார் இடத்தைப் பிடிக்க ஆசை?
-
என்னை பெர்ஃபார்மென்ஸ் மட்டும்தான் பண்ணுவேன்னு எடை போட்டுடாதங்க. காக்காமுட்டை மாதிரியான படங்கள் எப்பவாவதுதான் வரும். என்னை அவார்டு பட நடிகைனு முத்திரை குத்திடுவாங்க. எல்லாவிதமான ரோல்களும் பண்ணணும்தான் ஆசை. சிம்ரன் மாதிரி எல்லாத்துலயும் கலந்துகட்டி அடிக்கணும். நான் ஒரு டான்ஸர். ஆல் தோட்ட பூபதி மாதிரி ஒரு ஸாங் கொடுத்தா கூட பண்ணுவேன்.
-
அடுத்தது?
-
இடம் பொருள் ஏவம் படத்துல தமிழ் பட்டிமன்றப் பேச்சாளரா நடிச்சிருக்கேன். “காக்கா முட்டை’ மணிகண்டன் டைரக்ஷன்ல செம மார்டன் ரோல். சுந்தர் சி படத்துல வைபவ்வுக்கு ஜோடி.
-
------------------------------
– க. ராஜிவ் காந்தி
குமுதம்